Shkodër, 30 nëntor 2011, NOA-Një 50 vjeçar nga Velipoja ka gjetur vdekjen pasi e ka zënë korrenti në krye të detyrës.
Siç informon agjencia e lajmeve NOA.al, ngjarja në fjalë ka ndodhur në fshatin
Mali-Kolaj, ku Lec Kolë Leka, me detyrë elektriçist në komunën Velipojë e ka zënë korrenti dhe me gjithë ndihmën e dhënë ka gjetur vdekjen në urgjencën e spitalit të Shkodrës.
Sakaq nga hetimet rezulton se në momentin e ngjarjes viktima kishte hipur në një shtyllë të tensionit të lartë 6.000 volt, ne fshatin Mali-Kolaj, për të bërë riparimin e një defekti elektrik në këtë fshat dhe për pasojë e ka zënë korrenti duke i shkaktuar dëmtime e më pas vdekjen.
Lidhur me këtë rast uniformat blu të qytetit kanë nisur hetimet.
a.y/NOA
