Arrezo, 1 dhjetor 2011, NOA- Prokurori Elio Amato kërkoi dënimin me 30 vite burg për Arbër Hoxhaj 28 vjeç dhe Erion Canaliaj 20 vjeç, që të dy shqiptarë të akuzuar për vrasjen e ndodhur më 19 tetor të vitit 2010 në periferi të Arezzos të 35 vjeçarit nga Rumania, Aron Catalin.
Kërkesa u bë para trupës së gjyqtarëve nga ana e Prokurorit ndërsa vendimi pritet të jepet ditën e nesërme.
Siç informon agjencia e lajmeve NOA.al vrasja në fjalë ndodhi për shkak të një grindje për territorin ku prostituonin disa vajza nga Europa Lindore ku të rinjtë dyshohet të kishin gisht në shfrytëzimin e tyre.
Mësohet se Hoxhaj u shpall në kërkim ndërkombëtar ku për disa muaj u fsheh në Greqi, Çeki dhe në përfundim u kap në Hungari duke kaluar kufirin pasi u shpall në kërkim ndërkombëtar.
a.y/NOA
