Fier, 13 dhjetor 2011, NOA- Një supermarket në qytetin e Fierit ka qenë pre e grabitjes me armë mbrëmjen e sotme.
Burime zyrtare nga policia e Fierit thanë për agjencinë e lajmeve NOA.al se ngjarja në fjalë u krye nga një person i armatosur dhe i maskuar.
Mësohet se pasi ka kërcënuar me armë punonjësen e turnit, grabitësi ka marrë nga aty rreth 2 milionë lekë të vjetra dhe është larguar, por fatmirësisht nuk ka patur të lënduar.
Lidhur me këtë ngjarje uniformat blu nisën hetimet dhe po punojnë për identifikimin dhe kapjen e autorit.
a.y/NOA
