Tiranë, 16 dhjetor 2011, NOA – Kryeministri Sali Berisha deklaroi sot se qëndrim i Partisë Socialiste dhe kreut të PS-së kundër ndërtimit të Rrugës së Kombit, që lidh Shqipërinë me Kosovën do të mbetet një nga momentet më absurde për Partinë Socialiste.
Ai u shpreh se në mënyrë të pavetdijëshme, Rama u “bë pjesë e atyre lobeve që luftuan me të gjitha mjetet për të mos u ndërtuar rruga”. Ai shtoi se “Rruga u ndërtua në trajektoren më të shkurtër, natyrisht që është e kushtueshme. A ka të drejtë Rama të pendohet? Sigurisht që po, gabimi është njerëzor”, tha Berisha. Deklarata e kreut të qeverisë u bë gjatë takimit me në grup studentësh nga Kosova. Takimi në formën e bashkëbisedimit po zhvillohet në Kryeministri.
Një pjesë e rëndësishme e fjalës së Kryeministrit është lidhur me qëndrimin e opozitës ndaj Rrugës së Kombit, zgjedhjeve dhe integrimit në Bashkimit Europian. “Rama pësoi humbje të katër fishtë personale në Tiranë, tha Berisha duke folur për zgjedhjet.
a.k/NOA
