Indi, 17 Dhjetor 2011, NOA/ Rid Bulku - Po ta vështrosh ngjason me një vajzë të vogël që mund të jetë 1-vjeçe, ndërkohë që Jyoti Amge është plot 18 të tilla dhe me rastin e ditëlindjes së saj në Nagpur, 520 kilometër në lindje të Mumbay, në Indinë perëndimore, ajo ka marrë certifikimin nga Guinness si gruaja në jetë më e vogla në mbarë botën.
Siç raportohet për agjencinë e lajmeve NOA.al, ajo ka një gjatësi prej 62,8 centimetër.
“Është matur tre herë brenda 24 orëve të fundit, pasi përmasat e saj mund të ndryshojnë shumë pak gjatë ditës”, - ka shpjeguar Rob Molloy, funksionar i rekordeve Guinness.
Jyoti, e cila mbante veshur një fustan tradicional sari, ka marrë titullin nën sytë e babait të saj Kisan dhe të së ëmës Ranjana.
“Jam shumë e lumtur që kam një rekord të tillë”, - deklarojë gruaja e cila vuan nga “acondroplasia”, një formë nanizmi dhe ëndërron – sipas babit të saj – të bëhet një aktore e Bollywood.
r.b/NOA
