Fier, 17 dhjetor 2011, NOA- Dy persona kanë rënë në prangat e policisë dhe një tjetër është shpallur në kërkim nga blutë e Fierit, nën akuzën e grabitjes së 50 mijë eurove.
Burime zyrtare nga policia e Fierit, thanë për agjencinë lajmeve NOA.al se të arrestuarit janë dy vlonjatë, Elis Kamberaj, 31 vjeç, Ylli Sela, 31 vjeç dhe Erind Sulçaj, 23 vjeç i shpallur në kërkim.
Mësohet se tre djemtë se në aksin rrugor Lushnje -Fier, në vendin e quajtur “Rreth- rrotullimi i Savrës”, në parkingun e një pike të furnizimit me karburant në bashkëpunim me njeri-tjetrin dhe nën përdorimin dhe goditjen me sende të forta, u kanë vjedhur shumën prej 50 mije eurove, shtetasve me iniciale T.L dhe V.K banues në Vlorë.
a.y/NOA
