Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Vret vëllanë, e denoncon si të vetëvrarë
English

Vret vëllanë, e denoncon si të vetëvrarë

Fier, 17 dhjetor 2011, NOA/ Arjola Ymeraj- Krimi brenda familjes ka goditur sërish, këtë herë në qytetin e Fierit ku vëllai ka vrarë të vëllanë.

U denoncua fillimisht si vetëvrasje, falë bashkëpunimit të vëllait të viktimës dhe të shoqes, të cilët bënë të pamundurën që të mbulonin gjurmët e krimit.

Burime zyrtare nga policia e Fierit thanë për agjencinë e lajmeve NOA.al, se në sajë të punës intensive u bë e mundur zbardhja e ngjarjes së ndodhur ditën e enjte ku u dyshua fillimisht se në kushtet e gjendjes depresive, Gentian Zhuri 24 vjeç u vetëvra me armë zjarri.

Në bazë të hetimeve rezultoi se Shaban Zhuri, vëllai i viktimës mesditën e të enjtes në banesën e tij, pas një konflikti për motive të dobëta, ka vrarë me armë zjarri automatik vëllanë e tij i cili si pasojë e plagëve të rënda gjeti vdekjen në Spitalin Ushtarak në kryeqytet.

Në vijim nga efektivët e policisë u arrestua në flagrancë Shaban Zhuri, 35 vjeç për “Vrasje me dashje” si dhe bashkëshortja e këtij të fundit Lumturi Zhuri 34 vjeç, banues ne fshatin Çermë e Sipërme të Lushnjes, për veprën penale “Veprime që pengojnë zbulimin e së vërtetës”.

Lidhur me këtë rast në cilësinë e provës materiale në banesën e Zhurit u gjet arma e përdorur për vrasjen e të vëllait, e llojit automatik.

a.y/NOA

KOMENTE