Paris, 23 Dhjetor 2011, NOA - Paris Saint Germain është “champion d'automne”, apo kampione e dimrit në Francë, ku me sa duket çmimi për teknikun Kombouare është shkarkimi nga detyra, që sipas “L’Equipe”, i është komunikuar nga drejtori i përgjithshëm i klubit Leonardo.
Tekniku praktikisht ishte në rrezik që në fillim të sezonit dhe pozicioni i tij u rëndua akoma më shumë nga eliminimi nga Europa League.
Emri i zëvendësuesit të tij me sa duket është ai i Carlo Ancelottit, që konsiderohet si favoriti numër një për këtë post.
Duke parë marrëdhëniet e shkëlqyera të tij me drejtorin e përgjithshëm të klubit Leonardo, dikur së bashku në ekipin e Milanit, mund të themi se një marrëveshje e tillë mund të përfundojë shumë shpejt me sukses.
r.b/NOA
