Prishtinë, 30 Dhjetor 2011 NOA/Rid Bulku - Listat zgjedhore duhet të jenë kategori ligjore, e jo kushtetuese. Kështu, u vlerësua në mbledhjen e sotme të Komisionit për amendamentimin e Ligjit për Zgjedhjet e përgjithshme në Republikën e Kosovës, kryesuar nga Haki Demolli, kryetar i Komisionit.
Ky rekomandim në formë amendamenti, do t'i propozohet edhe Komisionit për Amendamentimin e Kushtetutës të Republikës së Kosovës, raportona agjencia e lajmeve NOA.al.
Në këtë mbledhje, u diskutua edhe për Komisionin Qendror të Zgjedhjeve. Amendamentet e hartuara nga Komisioni, e që kanë të bëjnë me strukturën e Komisionit Qendror të Zgjedhjeve , mandatin dhe kohëzgjatjen e tij, po ashtu do t'i rekomandohen për miratim Komisionit për Amendamentimin e Kushtetutës të Republikës së Kosovës.
Ndërkaq, lidhur me listat zgjedhore, se a duhet të jenë të hapura, apo të mbylluara, Komisioni do të vendosë pasi që subjektet politike të japin rekomandimet.
r.b/NOA
