Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Presidenti ngushëllon familjarët e kritikut të artit, Adriatik Kallulli
English

Presidenti ngushëllon familjarët e kritikut të artit, Adriatik Kallulli

Tiranë, 30 dhjetor 2011 NOA - Presidenti i Republikës, Prof. Dr. Bamir Topi, nëpërmjet një mesazhi të bërë publik, u shpreh ngushëllimet e sinqerta familjarëve të pedagogut dhe kritikut të artit, Prof. Adriatik Kallulli, i cili u përcoll sot në mesditë për në banesën e fundit.

“Të dashur familjarë të të ndjerit Profesor Kallulli,

Ndarja nga jeta e Profesorit të nderuar është një dhimbje mjaft e fortë shpirtërore dhe njerëzore për ju, të afërmit dhe familjarët e tij, por edhe një humbje e thellë për letrat, kritikën dhe akademizmin shqiptar. Në këto momente të vështira për ju, dëshiroj t’ju shpreh ngushëllime të sinqerta dhe, më lejoni që t’ju përcjell dhe konsideratën e lartë për punën dhe veprën e palodhur të Profesor Kallullit!

Në kujtesën e gjithë atyre, që kanë patur fatin ta njohin e të komunikojnë me Profesorin, mbeten të pashlyeshme mendimet dhe vlerësimet e tij për artin, për letërsinë, për figurat e ndritura të letrave shqipe. Studimet dhe kritikat e tij shquheshin për thellësinë e mendimit, estetikën, saktësinë akademike dhe objektivitetin artistik, duke u shndërruar kështu në drejtuesin dhe frymëzuesin për disa breza studentësh të Institutit të Arteve dhe artistësh të rinj, si dhe duke transmetuar tek ta modelin e njeriut të ndershëm, të përkushtuar e dinjitoz”, - shkruhet në mesazhin e Presidentit Topi.

r.b/NOA

Lexoni gjithashtu: Shuhet kritiku Adriatik Kallulli

KOMENTE