Dy grekët kanë shpëtuar mrekullisht për një fije nga aksidenti i ndodhur me makinë në një prej rrugëve të Athinës.
Makina ferrari F430, ngjyrë grij goditi një pemë, më pas u nda në dysh dhe makina mori flakë.
Aksidenti ndodhi si pasojë e një shpejtësie marramendëse ndërkohë që rruga ishte e lagësht.
Shoferi që ngiste makinën identifikohet si Leontiadis, ndërsa nuk jepen të dhëna nga pasagjeri tjetër.
Ambulanca dhe ekipet zjarrfikëse kanë qenë për fat të mirë afër dhe nxituan për të ndihmuar shoferin dhe pasgjerin e tij duke i nxjerrë nga rrënojat e makinës.
