Zyra e shefes së diplomacisë evropiane, Catherine Ashton dhe ajo e Komisionerit, Stefan Fule kanë koordinuar qëndrimet duke reaguar ftohtë në lidhje me vendimin e Beogradit për të zhvilluar zgjedhjet edhe në Kosovë, veprim që shkon kundër marrëveshjeve të arritura në dialogun e Brukselit.
“Mbajtëm shënim thirrjet për të mbajtur zgjedhjet parlamentare, krahinore dhe lokale në Serbi më 6 maj, një rast ky për qytetarët serbë për të ushtruar të drejtën e tyre demokratike dhe për të vendosur për të ardhmen e vendit. Ne theksojmë se thirrja për mbajtjen e zgjedhjeve në Kosovë nuk është në përputhje me angazhimet ndërkombëtare të Serbisë, posaçërisht me Rezolutën 1244 të Kombeve të Bashkuara”, i vetmi reagim zyrtar që vjen nga BE.
