Policia sipas një aksioni të detajuar, policia ka arrestuar vrasësin e dyshuar të arkëtares Leonora Kaloçi dhe plagosjes së rojes Skënder Elmazi punonjës të bankës NBG në sheshin "Shtraus" Tiranë.
Ai quhet Viktor Gushi, 37 vjeç. Kapja e tij u bë e mundur nga forcat speciale, në një banesë në rrugën "Don Bosko", për tu dërguar me pas në Drejtorinë e Policisë. Mesohet se gjatë arrestimit Gushit i është sekuestruar dhe një armë, e cila nuk dihet nëse është e njëjta armë me të cilen ai i mori jetën arkëtares së "NBG" bank.
Pritet që policia të dalë nesër në një konferencë për shtyp ku pritet të japë detajet lidhur me këtë arrestim.
