Kryetari i Partisë Socialiste Edi Rama, i shoqëruar nga bashkëshortja Linda, u kanë uruar dje të gjithë besimtarëve katolikë “Gëzuar Festën e Pashkëve”. Kreu socialist i përcolli urimet më të përzemërta Imzot Rrok Mirditës gjatë vizitës së zhvilluar në Selinë e Arqipeshkvisë Metropolitane Tiranë-Durrës në Tiranë.
“Gëzuar Pashkët të gjithëve dhe më lejoni që mos flas më shumë sesa pak fjalë për t’ju përcjellë të gjithë atyre që dëgjojnë urimet më të mira për këtë festë. Sepse besoj që në një ditë feste sa më pak të dëgjojnë nga ne që na dëgjojnë përditë, aq më qetë dhe aq më bukur kalon festa”, u shpreh Rama gjatë prononcimit për mediat e pranishme.
