Sot, më 23 prill, në ditën e parë të fushatës elektorale për zgjedhjet për Kryetar të Komunës në Ferizaj, Lëvizja VETËVENDOSJE! ka dy aktivitete:
Hapja e fushatës do të bëhet me tubimin me qytetarë, i cili mbahet në orën 13:00, në Teatrin “Adriana Abdullahu” në Ferizaj. Në këtë tubim marrin pjesë Kryesia dhe Grupi Parlamentar i Lëvizjes VETËVENDOSJE!, ndërkaq qytetarëve do t’u drejtohen Albin Kurti dhe Faton Topalli.
Në orën 17:00, në lokalin “Barley’s Bar”, te ish kinemaja në Ferizaj, do të zhvillohet një takim me artistë të qytetit të Ferizajit. Në takim do të marrin pjesë Visar Ymeri, Dardan Sejdiu dhe Faton Topalli.
Ndaj dje është zhvilluar dhe një takim me taksistët e Ferizajt.
