Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Bashkia e Tiranës fonde ndihmë për Mitrovicën
English

Bashkia e Tiranës fonde ndihmë për Mitrovicën

Bashkia e Tiranës do i bashkohet nismës së komunës së Mitrovicës “Ndihmo dhe ti”, e cila ka për qëllim mbledhjen e fondeve për meremetimin e shtëpive të dëmtuara gjatë luftës, në veri të Mitrovicës dhe kthimin në pronat e tyre, të të gjithë qytetarëve, pa dallim përkatësie etnike. Në takimin me Kryetarin e komunës së Mitrovicës Avni Kastrati, Kryetari i Bashkisë Lulzim Basha tha se do i propozojë Këshillit Bashkiak, akordimin e një ndihme financiare për këtë qëllim, sikundër u angazhua për të sensibilizuar edhe njësi të tjera të qeverisjes vendore në Shqipëri, për t’iu bashkuar kësaj nisme.

Kryetari i komunës së Mitrovicës theksoi se fondi i mbledhur deri tani nga qytetarët e Kosovës është rreth 2 milionë euro. “1023 është numri i pronave që kërkon ndërhyrje” – tha zoti Kastrati. Duke nisur nga viti i ardhshëm, të gjithë komunat e Kosovës do të ndajnë 5% të buxhetit të tyre për këtë projekt” - u shpreh Kryetari i Komunës së Mitrovicës.

Zoti Basha e ka vlerësuar këtë nismë si mjaft pozitive, ndërsa ka nënvizuar se çdo përpjekje për të ndarë qytetin, është e papranueshme dhe nuk i shërben stabilitetit në rajon. Kryetari i Bashkisë së Tiranës nënvizoi domosdoshmërinë e intensifikimit të bashkëpunimit me komunën e Mitrovicës por edhe komuna të tjera shqiptare në rajon. “Kësaj do t’i kontribuojë – tha zoti Basha, edhe Asambleja e të zgjedhurve vendore shqiptarë, e cila do të mblidhet së shpejti”. Kjo asamble ka për qëllim rritjen e bashkëpunimit dhe komunikimit mes bashkive dhe komunave shqiptare, i cili do të jetë vlerë e shtuar në procesin e anëtarësimit të rajonit, në strukturat euroatlantike.

KOMENTE