Mbrëmjen e djeshme në zonën e porcelanit në Tiranë autobusi i unazës është përplasur me një veturë dhe si pasojë janë plagosur tre persona.
Të plagosurit ishin personat që ndodheshin në veturë, ndërsa autobusi nuk kishte pasagjerë pasi sapo kishte mbaruar turnin.
Autobusi i aksidentuar mbante targat TR 4801 U, ndërsa mjeti Rover TR 1010 M.
Të plagosurit u dërguan menjëherë në spital ndërsa bëhet i ditur që një prej tyre është në gjendje të rëndë.
Nuk ka ende një përfundim zyrtar për shkakun e aksidentit, por nga hetimet paraprake dyshohet për një parakalim të gabuar të Roverit.
