Mjekësia gjithmonë bazohet në përvojën njerëzore, madje është shkenca në të cilën përvoja vlen shumë. Prandaj në jo pak raste shkenca mjekësore i është referuar përvojës nga disa mijëra vjet më parë e më pas me realizimin e ilaçeve
Arrat dhe bajamet pakësojnë rrezikun e diabetit 2
Diabeti i tipit 2 mund të bëhet shkak për sëmundjet e veshkave, zemrës dhe verbim. Por në një studim të kohëve të fundit thuhet se gratë që hanë çdo ditë 30 gramë arra kanë 30 për qind më pak gjasa për t'u prekur nga diabeti. Ndërsa tek gratë që konsumojnë çdo ditë një lugë vaj kikiriku rreziku ulet me 20 për qind. Përveç yndyrës së mirë, arrat përmbajnë edhe vitamina të shumta, minerale dhe fibra. Shkencëtarët në universitetin e Harvard në Boston përfshinë në studim rreth 83 mijë gra të moshave nga 34 deri në 59 vjeç. Pasi kanë analizuar të gjitha të dhënat, ata vunë re se arrat dhe vaji i kikirikut ulin riskun e prekjes nga diabeti i tipit 2.
Hani produkte nga drithërat e papërpunuara
Çdo gjë që është nga drithërat e papërpunuara (buka, orizi, corn flakes) është gjithmonë zgjidhje më e mirë se produktet e rafinuara siç është buka e bardhë ose orizi i bardhë. Nëse më shpesh konsumoni produkte të rafinuara rreziku nga krijimi i sëmundjes së zemrës rritet në mënyrë të konsiderueshme. Drithërat e papërpunuara do të reduktojnë nivelin e kolesterolit dhe do të ndihmojnë në ruajtjen e sistemit të përgjithshëm kardiovaskular. Fibrat nga drithërat e plota do t’ju mbajnë të ngopur, çka nënkupton konsum më të vogël të kalorive, humbje të kilogramëve dhe zemër më të shëndetshme.
Hani peshk
Salmoni dhe tuna, si dhe shumë peshq tjerë, përmbajnë acide yndyrore omega 3 të cilat reduktojnë rrezikun nga krijimi i sëmundjeve të zemrës ashtu që rregullojnë tensionin e gjakut dhe nivelin e kolesterolit. Acidet yndyrore omega 3 do të parandalojnë edhe ngadalësojnë grumbullimin e shtresave në artere. Shtresat rrisin rrezikun nga sulmi në zemër por edhe në tru. Ekspertët rekomandojnë që gjatë javës të konsumoni rreth 100 g peshk të yndyrshëm që zemra juaj të jetë e shëndetshme. Edhe pse shtesat nuk janë të këqija, gjithmonë më të mira janë burimet natyrale të acideve yndyrore omega 3.
Mateni kolesterolin
Kolesteroli i tepërt mund të ngurtësojë arteret tuja, të shkaktojë sëmundjet e zemrës dhe të rrisë rrezikun nga krijimi i sulmit në zemër. Megjithatë, mund të keni nivel të lartë të kolesterolit dhe të mos e dini këtë gjë. Mos prisni shenja dhe simptoma por rregullisht mateni kolesterolin. Ekspertet këshillojnë që të gjithë personat më të vjetër se 20 vjet, duhen ta masin kolesterolin të paktën një herë në 5 vjet. Megjithatë, personat që tashmë kanë rrezik të rritur nga krijimi i sëmundjeve të zemrës dhe sulmi në zemër, duhet të kontrollohen shumë më shpesh te mjeku i tyre për të qenë të sigurt që çdo gjë është në rregull me shëndetin e tyre.
Shmangeni mishin
Ushqimi i shëndetshëm nuk duhet të përmbajë më shumë se 170 g mish në ditë, por të zier edhe të payndyrshëm. Porcioni standard i mishit është rreth 100 g, madhësia e dengut të kartave. Kushtoni kujdes llojit të mishit që e hani. Gjithmonë zgjidhni pulën, në vend të mishit të lopës. Po ashtu, mishin e kuq shmangeni sa më shumë sepse përmban nivelin më të lartë të acideve yndyrore të ngopura. Po ashtu shmangi mishin e tymosur sepse mund të përmbajë aditivë të pashëndetshëm të cilët rrisin nivelin e tensionit të gjakut.
Ushtroni
Le të punojë zemra juaj në mënyrë të sforcuar të paktën 30 minuta çdo ditë. Në këtë mënyrë do të reduktoni rrezikun nga krijimi i sëmundjeve të zemrës dhe sulmi në zemër. E rëndësishme është të zgjidhni tipin adekuat të ushtrimeve. Ecja e shpejtë ose vrapimi i lehtë janë gjithmonë zgjidhje më e mirë se sa shëtitja e ngadalshme.
Ushtrimet aerobe (ecja, vrapimi, vozitja me biçikletë, roller skating) janë më të mirat për ruajtjen e shëndetit të zemrës. Mbani mend, që pavarësisht ushtrimeve të rregullta, duhet t’i kushtoni vëmendje edhe llojin e ushqimit të cilin e hani.
Lexoni etiketat e produktit
Gjithmonë para blerjes ose para konsumimit të produktit lexoni etiketën dhe shmangni ushqimet që përmbajnë shumë kalori, kripë dhe acide të ngopura yndyrore.
Në etiketë do të gjeni edhe madhësinë e rekomanduar të porcionit, cilët nutrientë gjenden në atë porcion dhe sa shumë janë. Nuk mundeni vetëm të mendoni që e tërë qesja e produktit është një porcion.
Kini kujdes me diabetin
Diabeti është një nga faktorët kryesorë të rrezikut për krijimin e sëmundjeve të zemrës. Madje 65 për qind e personave që vuajnë nga diabeti vuajnë edhe nga ndonjë formë e sëmundjeve kardiovaskulare. Shmangni faktorët që rrisin rrezikun për krijimin e diabetit (trashja, mungesa e aktivitetit fizik, ushqimi i pasur me karbohidrate) për të ruajtur shëndetin e zemrës.
Nëse tashmë vuani nga diabeti, mbajeni nën kontroll dhe rregullisht shkoni te mjeku.
Shmangni sheqerin
Ushqimi i cili përmban shumë sheqerna dhe ëmbëltues rrit rrezikun nga krijimi i sëmundjeve të zemrës. Ekspertët pohojnë që femrat vetëm 100 kalori në ditë mund t’i konsumojnë përmes sheqerit, ndërsa meshkujt 150. Trupit njerëzor nuk i nevojitet sheqeri, ndërsa kaloritë e tepërta nga sheqeri mund të dëmtojnë edhe pamjen tuaj.
Kripa me karar
Për ta mbajtur nivelin normal të tensionit të gjakut dhe për të reduktuar rrezikun nga krijimi i sëmundjeve të zemrës, reduktoni sasinë e kripës në gjysmë luge çaji në ditë. Megjithatë, shumë ushqime në vete përmbajnë kripë. Madje 75 për qind të kripës që e konsumoni vjen nga ushqimi i përpunuar, nga supat deri te sallata. Shmangni ushqimin e konservuar, zieni me sa më pak kripë dhe mbroni zemrën tuaj.
Hani fruta, perime dhe produkte qumështore me përqindje të ulët yndyre
Një nga mënyrat më të lehta të ruajtjes së shëndetit është rritja e konsumit të ushqimit për të cilin e dini që është i shëndetshëm. Kjo përfshin produktet qumështore të payndyrshme dhe me përqindje të ulët të yndyrës, pemë dhe perime. Pemët dhe perimet janë të pasura me fibra dhe vitamina dhe zgjidhni ato që ju pëlqejnë më shumë!
