"Deutsche Welle” ka qenë dhe vazhdon të jetë zëri i të vërtetës.
Kështu është shprehur Ministri i Punëve të Jashtme i Republikës së Kosovës, Enver Hoxhaj, gjatë takimit të pritjes së djeshme të ekipit të transmetuesit ndërkombëtar gjerman “Deutsche Welle”.
Gjatë takimit, Hoxhaj ka vlerësuar rolin e fuqishëm që “Deutsche Welle” që ka luajtur për informimin e qytetarëve të Kosovës, sidomos gjatë periudhës së luftës, me transmetimet e saj,
Hoxhaj po ashtu ka vlerësuar rolin e “Deutsche Welle” për emancipimin dhe përhapjen e vlerave të lirisë, demokracisë dhe shoqërisë së hapur në rajonin tonë.
“Deutsche Welle” ka qenë dhe vazhdon të jetë zëri i të vërtetës dhe i informimit të drejtë për qytetarët e Kosovës dhe tërë rajonin tonë”, theksoi Hoxhaj.
Christian Gramsch, drejtor i programit në “Deutsche Welle”, i shoqëruar nga bashkëpunëtorët e tij, Verica Spasovska, Vilma Filaj-Ballvora e Bekim Shehu, e ka njoftuar Ministrin Hoxhaj për punën e transmetuesit ndërkombëtar gjerman, duke shpalosur edhe projektet për të ardhmen të “Deutsche Welle”.
