Gjykata e Lartë në Botsvana, Afrikë përmbysi një ligj zakonor i cili pengonte femrat të trashëgonin shtëpinë e familjes.
Gjykatësi vendosi se ligji ishte në kundërshtim me kushtetutën, e cila garanton barazi për burrat dhe gratë.
Edith Mmusi dhe motrat e saj kanë luftuar një betejë ligjore pesë-vjeçare pasi nipi i tyre tha se vetëm ai, ishte pronar i ligjshëm i shtëpisë së tyre.
Korrespondentët thonë se traditat që ndalonin gratë nga trashëgimi i pasurisë ekzistojnë në shumë shoqëri afrikane.
Gjyqtari Key Dingake tha se në emër të drejtësisë dhe barazisë gratë duhet të kenë të drejtën për të trashëguar pronën.
"Mua më duket se koha ka lindur tani, gjyqtarë për të marrë rolin e mamisë gjyqësore dhe për të ndihmuar në lindjen e një bote të re që lufton për të lindur," citon agjencia e lajmeve AFP.
Zonja Mmusi, e vetmja motër në Gjykatën e Lartë në Gaborone, ishte shumë e ngazëllyer me vendimin.
"Kjo është një ditë e madhe për ne," tha ajo.
Korrespondenti ynë thotë se ata së pari kontestuan pretendimin e nipit të tyre në një gjykatë të zakonshme në vitin 2007.
Por më vonë pasi u kthyen në Gjykatën Civile ato dolën fitimtare.
