"Amnesty International", organizatë e të drejtave të njeriut, i ka bërë dje thirrje qeverisë për tu takuar me Shoqatën e ish të Përndjekurve Politike, për të dalë në një përfundim për zgjidhjen e çështjes së grevistëve si gjendja e tyre po përkeqësohet dhe më tepër.
Amnesty përshëndeti takimin e parë të premten e kaluar mes grevistëve dhe Presidentit Bujar Nishani, që organizata vë në dukje se u krye vetëm pas ndërhyrjes së Ambasadës Amerikane dhe delegacionit të Bashkimit Evropian.
Por shton se Kryeministri Sali Berisha ka vazhduar të theksojë se protestuesit janë të motivuar politikisht. Amnesty International i bën thirrje zotit Berisha që t’u japë zgjidhje shqetësimeve të tyre dhe të garantojë që kompensimet për ta të paguhen menjëherë.
