Është arrestuar në Durrës shtetasi shqiptar nga Maqedonia, 45 vjeçari Nurset Dalipi, i lindur në Shkup por me banim në Francë.
Dalipi kërkohej nga drejtësia zvicerane pasi në vitin 2005 ishte dënuar për armëmbajtje pa leje nga gjykata e Gjenevës.
Nurset Dalipi kërkohej dhe nga drejtësia maqedonase për veprën penale plagosje të rëndë më armë zjarri me pasojë vdekjen. Gjithashtu Interpoli maqedonas e ka shpallur këtë person në kërkim për trafik të lëndëve narkotike.
