Një aksident i rëndë ka ndodhur në një mbikalim në Italinë jugore duke lënë të paktën 38 persona të vdekur, kanë thënë shërbimet e shpëtimit.
Autobusi ka goditur disa automjete përpara se të përmbysej poshtë në një lartësi të lartë dhe një shpat të pjerrët pranë qytetit Avellino, në rajonin e Kampanias.
Së paku 10 persona janë plagosur, disa prej tyre rëndë, raportojnë mediat italiane.
Shkaku i aksidentit nuk është e qartë.
“Mbesa më tregoi se shpërtheu goma e majtë. Shoferi u mundua të mbante kontrollin, por nuk ia arriti dhe autobusi ra në humnerë”, thotë Vincenzo Rusciano, xhaxhai i një vajze të mbijetuar.
Autobusi po kthehej nga një ekskursion 3-ditor dhe në bord ka pasur 50 persona, duke përfshirë fëmijë. Edhe shoferi thuhet se është në mesin e të vdekurve.
"Situata është kritike," i tha një zjarrfikës televizionit italian.
"Njerëzit tanë janë duke punuar për të shpëtuar sa më shumë jetë të jetë e mundur."
Një zëdhënës i policisë i tha agjencisë franceze të lajmeve AFP se numri i viktimave ende nuk mund të konfirmohet.
"Ne jemi ende duke tërhequr njerëz nga automjeti," tha ai.
Ai shtoi se autostrada Napoli-Bari u mbyll për shkak të aksidentit.
Raportet thonë se autobusi ra në një lartësi prej 30m (98ft). Të plagosurit janë dërguar në spitalet Avellino, Salerno dhe Nola, tha Ansa.
