Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Mikrovala ndryshon vetitë kimike të ushqimit duke ndikuar negativisht në shëndetin e njeriut
English

Mikrovala ndryshon vetitë kimike të ushqimit duke ndikuar negativisht në shëndetin e njeriut

Mikrovala është një pajisje elektrike, e cila përdoret për përgatitjen e ushqimit, për gatimin apo dhe ngrohjen e tij. Por hulumtimet e fundit kanë treguar se kjo mikrovalë ndryshon vetitë kimike të ushqimit duke ndikuar negativisht në shëndetin e njeriut.

Kjo ndodh për faktin se brenda mikrovalës gjendet një “magnetofon”, i cili është një tub me elektrone, ku këto të fundit bashkëveprojnë me energji magnetike dhe elektrike duke u shndërruar në valë me mikrogjatësi.

Valët e prodhuara me gjatësi bashkëveprojnë më pas me pjesët pozitive dhe negative të molekulave të ushqimit, ndaj dhe këto të fundit fillojnë të vibrojnë deri në disa miliona herë për sekondë duke shkaktuar kështu krijimin e nxehtësisë në ushqim.

Nga ky vibrim deformohen molekulat e ushqimit duke krijuar përbërje të reja të cilat dëmtojnë elementët e gjakut, sistemin tretës dhe atë imunologjik.

Këto hulumtime që tregojnë efektin negativ të ushqimeve të gatuara në mikrovalë, janë kryer në Zvicër dhe Rusi. Të dy këto studime arritën në përfundimin se gatimi i ushqimeve në mikrovalë zvogëlon në mënyrë domethënëse vlerat ushqyese, deformon molekulat e proteinave dhe krijon përbërje të reja antinatyrale.

Madje personat që konsumonin vetëm ushqime të gatuara në mikrovalë kishin një shëndet të përkeqësuar.

Gjithashtu në hulumtim thuhet se ushqimet që ngrohen në mikrovalë mund të ngrohen në mënyrë të pabarabartë duke pasur pjesë të mbingrohura dhe pjesë të ftohta.

Pjesët e ftohta mund të nxisin rritjen e baktereve si salmonela dhe njeriu mund të pësojë një intoksikim nga ushqimi.

Për më tepër, kur përdoren enë apo mbështjellje plastike në mikrovalë, në ushqim mund të përfundojnë lëndë kimike të dëmshme.

KOMENTE