Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ushqimet që nuk duhet t'i ndani gjatë shtatzanisë
English

Ushqimet që nuk duhet t'i ndani gjatë shtatzanisë

Kur jeni shtatzënë, përpiqeni të mendoni më me kujdes për ushqimin që hani, sepse ai duhet të përfshijë përbërësit kryesor të cilët i duhen bebes tuaj për t’u zhvilluar.

Gjatë shtatzënisë, për shembull, ju keni nevojë për më shumë proteina dhe kalcium për të ndërtuar indet dhe kockat e bebes. Ju po ashtu keni nevojë për më shumë acid folik që mbron nga defektet e lindjes, si edhe më shumë hekur për të ndihmuar prodhimin e qelizave të gjakut të cilat tash duhet të dërgojnë oksigjen edhe për beben tuaj.

Ja cilat janë super-ushqimet, të cilat do t’ua ofrojnë juve të gjithë këta përbërës të rëndësishëm të shtatzënisë.

Drithëra të plota

Buka zezë dhe cerealet e përbërë me drithëra të plota janë të pasura me acid folik dhe hekur dhe kanë më shumë fibra se sa buka e bardhë dhe orizi i bardhë. Përfshini drithërat e plota në çdo vakt të ditës tuaj: qull tërshëre për mëngjes, një sandviç me bukë të zezë për drekë, një pastë me drithëra të plota ose oriz të zi për darkë.

Fasulet

Shtoni fasulet e zeza, ato të bardha dhe fasulet me ngjyrë,pastaj thjerrëzat dhe bizelet, si dhe farat e sojës në dietën tuaj. Përzieni ato me speca djegës dhe pjata me supë, sallata dhe pasta. Përveç që ofrojnë proteina dhe fibra, ato janë një burim i mirë i përbërësve kyç ushqimor, si hekurit, folateve, kalciumit dhe zinkut.

Salmon

Acidet yndyrore omega-3 janë të mira për trurin dhe syrin e foshnjës tuaj, dhe salmoni është një burim i shkëlqyeshëm i tyre. Po ashtu ai ofron proteina dhe vitaminat e grupit B. Salmoni ka edhe sasi më të pakta të zhivës krahasuar me peshqit tjerë. Përpiquni ta piqni, zieni, ose ta kombinoi me sallatë. Ju mund të hani deri në 350 gramë mish me përmbajtje të ulët të zhivës, si salmon, në javë.

Vezë

Vezët janë një burim i pasur i proteinave të cilat ofrojnë aminoacidet e nevojshme për ju dhe foshnjën tuaj. Ato përmbajnë shumë vitamina dhe minerale, përfshirë kolinë, që është e mirë për zhvillimin e trurit të foshnjës tuaj. Megjithatë sigurohuni të mos hani vezë të pagatuara mirë ose të gjalla.

Frutat e malit

Frutat kokrrizore, të njohura edhe si fruta mali, si dredhëzat, manaferrat dhe boronicat, janë meze të shkëlqyeshme dhe kanë shije të mrekullueshme qoftë të përfshirë në petulla ose të shtuara mbi një pjatë cereale. Frutat kokrrizore janë të pasura me vitaminë C, kalium, folate dhe fibra.

Jogurt me pak yndyrë

Një filxhan i jogurtit të pastër, të pakët në yndyra, ka më shumë kalcium se sa qumështi. Ai është më i pasur në proteina dhe nuk ka sheqerin shtesë të jogurtit të aromatizuar. Përzieni atë me pemë ose cereale të përbërë nga drithërat e plota.

KOMENTE