Duhet marrë ironi e mirëfilltë apo thjesht paraqitje e situatës reale.
Pritet që në më pak se një orë të nisë ndeshja aq shumë e pritur midis kombëtares shqiptare dhe asj zvicerane, ndeshje që do të luhet në stadiumin "Qemal Stafa" në Tiranë.
Por Gazeta “Le Matin”, foto-reportazhin e saj për stadiumin “Qemal Stafa” e titullon “Mirësevini në një botë tjetër”.
Me saduket mediat zvicerane janë talluar me stadiumin ku do të përballen kombëtaret.
“Mirësevini në stadiumin “Qemal Stafa” në Tiranë, ku ekipi zviceran luan sonte për Kupën e Botës "Brazil 2014". «Le Matin» mundi sot të futet në stadium, ndërsa ishin duke u zhvilluar përgatitjet e fundit”, shkruan gazeta “Le Matin”.
“Ja disa foto që ju nuk do të keni mundësi t'i shihni sonte në televizorin tuaj. Nëse stadiumi i përmbush standardet ndërkombëtare, kjo është një pyetje tjetër...”, shkruan gazeta zvicerane.
