Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
Bark të sheshtë përgjithmonë
English

Bark të sheshtë përgjithmonë

Për të pasur një bark të sheshtë është e mjaftueshme të reduktoni kripën në dietën tuaj dhe në vend të saj të shtoni fibra dhe kalium

Ideja e të pasurit të një barku të sheshtë është diçka që ngacmon shumicën e njerëzve, e sidomos gratë. Për këtë gjë shpesh femrat vrapojnë te dietat më të vështira, ndoshta edhe të rrezikshme deri sa nuk hanë fare. Larg nga të sugjeruarit e diçkaje të tillë qëndron dietologia e famshme amerikane dhe themeluesja e Qendrës së Dobësimit për Gratë në Uashington, Robine Shutkan (Robynne Chutkan). Ajo beson se për të pasur një bark të sheshtë nuk është e nevojshme t’u nënshtroheni disa lloje dietave, por duhet të reduktoni sa më shumë konsumimin e kripës dhe të preferoni sa më shumë ushqimet e pasura me kalium dhe fibra. Sugjerimet e saj, Dr. Shutkan i ka përfshirë në librin e vet të ri, i cili shpjegon se përse gratë kanë tendencë të shëndoshen më shumë se meshkujt në pjesën e barkut. Arsyeja mund t’i atribuohet zorrës së trashë që te gratë është më e gjatë. Edhe sistemi i tretjes duket se është i ndryshëm te meshkujt dhe femrat, thotë ekspertja. Kështu që për të favorizuar një bark të sheshtë, dr. Shutkan rekomandon reduktimin e futjes së kripës në dietë, sepse vetë kripa kontribuon te fryrja e barkut dhe edema. Ideale do të ishte që të konsumonit më pak se 1500 mg kripë në ditë. Një mënyrë e mirë për të shmangur një mbidozë kripe është të hani ushqimet me pak kripë dhe erëza, dhe të evitoni totalisht ushqimet e gatshme (të cilat shpesh janë me shumë kripë). Gjithashtu për uljen e konsumit të kripës, ekspertja rekomandon kombinimin e shumë fibrave. Ideal është kombinimi i fibrave të tretshme dhe të patretshme, në këtë mënyrë, shpjegon Shutkan, favorizohet funksionimi i zorrëve dhe “luftohet” ndjenja e fryrjes. Ushqimet me fibra tejet të larta janë frutat dhe perimet me gjethe jeshile. Ndër këto është mirë të konsumoni ato që janë të pasura me kalium, pasi ky element nxit largimin e lëngjeve të tepërta, duke luftuar mbajtjen e ujit. Përveç këtyre, ekspertja thotë se është mirë që të jeni gjithmonë të hidratuar. Ndaj pini ujë ose lëngje pa gaz. Të tjera ushqime të cilave duhet t’i qëndroni larg, janë ato me shumë sheqer dhe yndyrë, ndërkohë ideale janë ato më të lehtat. Edhe ëmbëlsirat artificiale duhet të shmangen, sepse ato nuk treten plotësisht, kjo mund të shkaktojë fermentimin në zorrë, që më pas provokon gaz dhe fryrje. Kundër fryrjes së stomakut, në mëngjes dhe në darkë, përgatit një çaj kamomili. Nëse pasi keni ngrënë ndiheni e fryrë, pini një lëng ananasi që është perfekt për të thithur gazrat e zorrëve ose çaj me kopër, sepse favorizon tretjen. Ndërsa për të mbajtur nën kontroll stresin, optimale është bari i bletës. Pra, për të rifituar një bark të sheshtë nganjëherë mjaftojnë disa masa të thjeshta.
A ekziston barku perfekt?
“Sigurisht, madje ka formë dhe masa perfekte. Të gjithëve na ka rastisur të shohim një bark jo të sheshtë, që nuk futet te përmasat 90-60-90”, shpjegon një kirurg dhe autor i librit “Bark i sheshtë përgjithmonë”. “Barku është treguesi i vërtetë i bukurisë si te femrat ashtu edhe te meshkujt. Megjithatë, ai varet nga struktura trupore e një personi, nuk varet as nga pesha dhe as nga gjinia, sepse një person i dobët dhe një i shëndoshë, qoftë ai mashkull ose femër, nëse janë të gjatë, atëherë edhe barku i tyre është vërtet i bukur. Nëse një person është i gjatë 1 metër e 67 centimetra, mund të jetë shumë krenar për barkun e tij nëse arrin në 67 centimetra”.


10 këshilla antibark
1. Pini më pak duhan
2. Mos pini alkool
3. Qëndroni drejt
4. Qëndroni ulur dhe të pozicionuar mirë
5. Forcojeni shpinën me anë të peshave
6. Provoni kërcimin e barkut
7. Bëni punët e shtëpisë
8. Vishuni në mënyrë komode
9. Konsumoni shumë fibra vegjetalë
10. Pini shumë ujë

KOMENTE