Shqiptari me nënshtetësi kanadeze 20 vjeçari Ronald Gjoka, nuk do të jetë më nën hetim për shkak të përqafimit të idhullit të tij Cristiano Ronaldo vitin e kaluar gjatë ndeshjes Real Madrid – Chelsea të luajtur në gusht.
Prokurorët nga Florida Jugore kanë tërhequr akuzat për dëbimin e tifozit.
“Jemi të lumtur të njoftojmë se prokurorët kanë tërhequr akuzat kundër klientit tim”, tha Richard Hujber, avokat i Gjokës.
“Falënderojmë Cristiano Ronaldo-n për të gjithë ndihmën dhe konsideratën e tij për çështjen ku ishte përfshirë një student i ri me një të ardhme të ndritur.”
Vetë 20-vjeçari është shprehur se, shpreson që të ketë mundësi për ta falënderuar personalisht Ronaldon. “Ëndrra ime është ta takoj dhe t’i them faleminderit”, tha ai.
Zyra e përfaqësuesve ligjore kanë bërë disa herë përpjekje për të kontaktuar me pronarin e stadiumit “Sun Life”, ku u luajt ndeshja, por nuk ka marrë përgjigje. Pa dëshminë e viktimës, prokurorët thonë se çështja nuk mund të vazhdojë.
Por për rrëzimin e akuzave ndaj shqiptarit, ylli portugez i Real Madrid ndërhyri personalisht pasi i dërgoi një letër gjykatës duke kërkuar shpalljen e pafajshëm të 20-vjeçari.
