Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Berisha në emisionin “Studio e Hapur “ të Eni Vasilit
English

Berisha në emisionin “Studio e Hapur “ të Eni Vasilit

Pyetje: Zoti Berisha, dua ta nis këtë intervistë me një pyetje që merr shtysë nga një qëndrim i juaji shumë vite më parë, në vitin 1992. Pak momente pasi u zgjodhët president ju thatë në televizionin e vetëm atë kohë, TVSH, se pas pesë vitesh Shqipëria do të kishte bërë hapa të rëndësishëm përpara në demokraci. Në vitin 2005 në fushatë thatë se vendi mund të anëtarësohet në BE brenda 5 viteve. Tani jemi shumë më pas dhe ju veç mandatit si president keni qenë 8 vite kryetar opozite dhe 8 vite kryeministër. Sa hapa para kemi bërë zoti Berisha, është kjo Shqipëria që donin njerëzit e vitit 1990, studentët, punëtorët, të përndjekurit, etj?

Berisha: Se cila ishte Shqipëria që donim ne në ’90, ajo ishte një Shqipëri ëndrre për të cilën në tërësi, përveçse gjeneratës më të shtyrë të asaj kohe, nuk kishim asnjë ide të vetme se çfarë është një vend i lirë dhe cila është forca e tregut të lirë. Ishte një Shqipëri e ëndrrave dhe mund të të them se po të gërmosh në ato ëndrra sigurisht gjen ideale, por nuk gjen projekte. Ne bridhnim nga një sallë në një tjetër dhe merrnim pyetjet. Ishin jo të pakta ato që do tu thoshim këto nuk dimë t’ju përgjigjemi. Unë mendoj se Shqipëria sot është një Shqipëri shekuj larg asaj që ishte 20 vite më parë. Është një Shqipëri në NATO, një Shqipëri e cila përballet me vështirësi serioze ekonomike, por në 22 vite ka arritur prodhimin e saj të brendshëm në herë më shumë se çdo vend tjetër, në herë po flas. Është një Shqipëri e cila arriti të marrë dy herë me radhë sugjerimin, rekomandimin për statusin kandidat por që u bllokua nga i njëjti person apo grup dy herë. Në ‘92, kur unë u zgjodha president, isha një president me një rrogë mujore, fiks 16 dollarë. Sot është një Shqipëri me rrogë mesatare më të madhe edhe se disa vende anëtare të BE-së. Nuk është Shqipëria aty ku duhet të ishte. Është një Shqipëri që gjatë këtyre viteve ka pësuar trauma të mëdha, dhe trauma më e madhe është ky emigracion masiv që pësuam në fillimet e hapjes sonë, si asnjë komb tjetër. Valë të tilla emigracioni kombeve u kanë krijuar ose pushtimet, ose luftërat civile. Ne nuk patëm as pushtim, as luftë civile, por u detyruam të emigrojmë, duke humbur jo më pas se ¼ e kombit dhe kjo përbën pa diskutim një dhimbje shumë të madhe. Forca opozitare doli kundër projektit të integrimit. Atëherë projekti nuk ecën më tutje. Brukseli nuk ka asnjë dëshirë të investojë në një projekt që njëra forcë e ndërton, tjetra e shkatërron. Zgjedhjet janë standard, dhe kjo Europë ka standarde.

Pyetje: Juve e shikoni vetën disi përgjegjës, apo sa përgjegjës që sot Shqipëria nuk është Shqipëria e ëndrrave?

Berisha: Në vitin 2001, pas dhunimit masiv të zgjedhjeve, kur erdhi problemi tek përsëritja e zgjedhjeve apo një zgjidhje konsensuale, unë zgjodha të dytën dhe jo interesin e karriges. Për të gjitha problemet në të cilat Sali Berisha ka qene president me fuqi ekzekutive dhe kryeministër, për zhvillimet pozitive dhe negative përgjegjës është Sali Berisha.

Pyetje: Ju thate kur dhatë dorëheqjen nga kreu i PD-së se merrni të gjitha përgjegjësitë për humbjen. Ky ishte një veprim civil dhe i një njeriu që di t’i bëjë mirë betejat e veta. Kur thoni marr të gjitha përgjegjësitë keni parasysh se vendi u qeveris keq dhe ju ishit kryeministri, keni parasysh se vendi dhe qeverisja ra në korrupsion dhe ju ishit kryeministri, keni parasysh se kandiduat njerëzit e gabuar dhe latë jashtë njerëz të rëndësishëm? Cfarë konkretisht është përgjegjësia?

Berisha: Kam parasysh sukseset, të cilat janë të vazhdueshme të pamohueshme, kam parasysh të gjithë problematikën tjetër, e cila shoqëroi vendin. Po marr problemin ekonomik,. Ne ndoqëm një projekt zhvillimi të paprecedent në historinë e vendit, ky është një projekt ambicioz dhe u ndoq ky projekt, por ky projekt u shoqërua me një borxh 60%, nuk ka përgjegjës tjetër përveç meje për borxhin, sepse unë isha vendimmarrësi kryesor. Ministrat i caktoja unë, sigurisht i votonte parlamenti. Unë nuk mund të shmang përgjegjësinë time edhe për përgjegjësitë e tyre. Ka një parametër, ka një tregues, më të rëndësishmin sot për ecurinë e vendit dhe ky tregues është ecuria e proceseve integruese, sepse bazohet në një vëzhgim të pandërprerë dhe të gjithanshëm. Unë ju them se ka patur korrupsion, por shumë herë më pak se shumë vite më parë. Ka patur krim të organizuar, po ka patur një luftë eficente ndaj krimit të organizuar, por nuk ka qenë faktor bllokues. Detyra ime ishte të luftoja korrupsionin në kopshtin tim. Korrupsioni morui një përgjigje janë qindra të penalizuar dhe të dënuar. Nuk ka luftë efiçiente pa një Prokurori të Përgjithshme eficiente. Para Ina Ramës ishte Sollaku por ai nuk ishte për atë punë ai bënte gjykime totalisht politike. Ina Ramën e sollën qarqe shumë të rrezikshme në atë pozicion unë nuk e njihja. E sollën për të mbuluar aferat e tyre. Llalla ka rekordin e tillë që nuk ka asnjë të dhënë ta ketë përdorur prokurorinë për qëllime politike. Ndihma më e madhe që i jepet korrupsionit është trajtimi i tij politik. Gabim që e kam bërë edhe unë si ish opozitar. Në rast se prokuroria merret me politikë prokuroria i bën dëmin më të madh luftës kundër korrupsionit

Pyetje: Problemi me kthimin e pronave, kompensimin e tyre vazhdon të jetë gangrenë dhe aq e pazgjidhur sa shumë vite më parë dhe nuk dihet se kur do të zgjidhet. Sa përgjegjësi keni?

Berisha: Përgjegjësia bazë fillon me ligjin e tokës. Ligji i tokës u votua në shkelje të hapur të parimit të pronësisë. U votua bazuar në principin e Xhefersonit toka atij që e punon dhe atij që është aty. U votua sepse fshati shqiptar ishte shndërruar në rezervuar të pa imagjinueshëm njerëzor. Aty ku në vitet 50 ku kishin jetuar dy familje tani ishin minimumi 15. në të gjitha takimet e mia me fermerët kishte vetëm një kërkesë po na latë pa tokë ne nuk kemi e çfarë jetojmë. Ligji nuk ndihmoi por ishte i domosdoshëm. Nis atyre u hiqje një parcelë tokë ata do iknin në Greqi apo Itali. Ky nuk është i vetmi vend këtë reformë e bëri edhe Bullgaria që ka tokë për frymë më 8 herë më shumë se Shqipëria. Kjo e futi çështjen e pronësisë në një tunel problematik. Batërdia e dytë ishte qeverisja socialiste. Në qoftë se kthehet në vitin 96 dhe shkon në Durrës do gjesh një territor të pa prekur me ndërtime , vërshuan qeveritarët me cipa me pallate përdorën hipotekën si hipotekë partie. Ndërruan një mal më të madh se mali i Dajtit me falsifikime. Përgjigjen më të drejtë do ta jepte harta dixhitale.

Pyetje: Ndieni ndopak përgjegjës?

Berisha: Padiskutim . Kush e votoi ligjin 7501, unë isha kryetari i PD-së në atë kohë.

Pyetje: Edhe legalizimet janë një problem i madh. Pas 8 vitesh ju legalizuat vetëm 10%. Cila është përgjegjësia juaj?

Berisha: Ishte një proces që nuk eci me shpejtësinë e duhur. Ishte një proces i komplikuar thellësisht teknik. Tani është ofruar varianti falas. Të shohim. Është një premtim shumë i gabuar. Që shkon në kundërshtim flagrant me të drejtën. Qoftë dhe simbolikisht ti do i kompensosh. Atë mund ta kisha thënë ehe unë 100 herë. Tani del dhe i mashtron. Vimë në këtë shkurt në një shoqëri të mashtruar në shumë aspekte. Është e drejtë të premtojë se do bëj gjithçka për të legalizuar me një euro por jo falas. Premtim i pa mbajtur plotësisht por jo tërësisht.
Pyetje: A e çuat ju shumë majtas Partinë Demokratike? Duhet thënë se në PD, në grupin parlamentar kishte pak njerëz që vinin nga shtresat e të përndjekurve. Po ashtu ju në tetë vite nuk bëtë një ligj për lustracionin me përjashtim të një ligji në një moment kur u akuzuan disa ministra nga prokuroria dhe pati akuza se ata vinin nga prokuroria apo hetuesia e dikurshme? Pse nuk e bëtë asnjëherë një ligj të tillë që të pranohej, që të merrte konsulencën e Këshillit të Venecias?

Berisha: Në këtë aspekt Sali Berisha është ndoshta i vetmi zyrtar në Europen ish komuniste që ka bërë tre ligje jo një. Atë që ka ndodhur në Shqipëri nuk ka ndodhur në asnjë vend tjetër të botës. Me rikthimin e PS-së amnistuan ata që ishin dënuar për gjenocid. Erdhën në pushtet dhe amenduan ligjin, e mbajtën formalisht por e shkatërruan në thelb. Rikthimi në 2005 riktheva ligjin siç ishte. Në atë përiudhë pata një rezistencë të madhe por ligji u votua. Ligjin Edi Rama e çoi në Gjykatën Kushtetuese. Ajo nuk kishte tagër për ta gjykuar sepse ishin 5 gjykatës me probleme. Ftoi komisionin e Venecias. Komisioni i Venecias u tha do e gjykoj gjykata me kolegj të plotë.

Pyetje: Ju i rrezuat disa emërime të presidentit Topi për në Gjykatat e Larta dhe Kushtetuese me argumentin se ai po sillte figura që kishin shërbyer në prokurorinë dhe gjykatat e regjimit komunist. Z. Patozi thoshte se kusht i panegociueshëm është mosqenia pjesë e atyre strukturave. Pse kur presidenti Nishani solli njerëz që vinin nga prokuroria dhe gjykatat e regjimit komunist ju i miratuat për në këto gjykata dhe e latë pas këtë arsyetim?

Berisha: Sepse presidenti Topi vepronte në kundërshtim flagrant me parimet themelore Kushtetuese. Parimi themelor kushtetues është që institucionet detyrimisht duhet të konsultohen njëri me tjetrin. Kjo nuk ja përjashton atyre, nuk krijon ndërhyrje. Gjyakata Kushtetuese në një vendim të mëvonshëm e urdhëroi presidentin që ti pa ju kufizuar pushteti je i detyruar të konsultohesh me grupet parlamentare. Dhe presidenti këto i ka sjellë në përputhje me vendimin e Gjykatës Kushtetuese dhe në këtë rast do të prevalonte verdikti. Çdo Kushtetutë është e pamundur të mos ketë një seri boshllëqesh.

Pyetje: Z. Berisha si ju duket PD e sotme? Ju duket një parti e djathtë, që mbron familjen, vlerat e saj, mbron pronën, dinjitetin e njeriut, që është për një rol të rëndësishëm të fesë në jetën e vendit, që e quan fondamental moralin personal, që beson se e drejta nuk është një konvencion i shpikur nga njerëzit, por është një entitet i përcaktuar nga Zoti, etj? Sa i shihni ju të trupëzuar këto vlera tek grupi parlamentar dhe tek zyrtarët e PD-së në përgjithësi?

Berisha: Nëse gjykon veprimtarinë 23-vjeçare të PD-së, unë mendoj se kjo ka ardhur si një nga forcat politike më solide të qendrës së djathtë në Europën ish-komuniste. Ka përsëritur mandatet e veta dhe i ka dhënë tonin zhvillimeve të vendit. Çfarë mund ti thuash një force që vjen në vitin ‘92 në vendin më hiperkolektivist në Europë dhe përfundoi në ‘96 me 80% të prodhimit të brendshëm nga sektori privat. Rikthehet në pushtet dhe vendos standardet e taksave, taksës së sheshtë ndër më të ultat në atë kohë, standardët më liberale. Pra unë gjykoj se PD në programin e saj ekonomik ka qenë një parti qartësisht e qendrës së djathë dhe e djathtë. PD ka qenë e detyruar ti përmbahet aspektit social dhe unë mendoj se e ka bërë këtë. Natyrisht asgjë nuk ka, asnjë doktrinë nuk është e pastër si kristali, por në trupin e saj, kjo ka qenë një parti e qendrës së djathtë.

Pyetje: PD sot është një parti shume denonciatore. Madje mund të themi se ajo si edhe PS dje, e ka kthyer në mjet themelor këtë gjë. Pse vjen kjo? Eshtë mazhoranca që detyron këtë sjellje? Apo PD nuk ka politikanë, deputetë, apo njerëz të tjerë të rëndësishëm që mund të zhvillojnë një diskurs elegant dhe substancial opozitar dhe ka zgjedhur metodën e lehtë të denoncimit, që është një metodë majtiste, njihet në ideologji?

Berisha: Nëse ndjek parlamentin të them me sinqeritet, mendon se ata janë në opozitë dhe ne në pushtet, me qëndrimin e tyre. Sepse ata të paaftë për të mbrojtur projektin e tyre, konfuz deri në palcë, ata përpiqen të justifikojnë çdo hap të tyre me vitin zero, që nuk ekziston, tokën e djegur që nuk ekziston. Ka një problem shumë serioz për vendin kjo, kreu i qeverisë shqiptare ka në kokën e tij, në mendjen e tij një Shqipëri që nuk ekziston. Një Shqipëri me 1 milion të papunë. Ai ka në kokën e vet ka një Shqipëri të zhytur në analfabetizëm që nuk ekziston. Problemi është ky, se këta rrinë gjithë kohën me vitin zero që nuk eksiton dhe ne natyrisht mbrojmë realitetin që ekziston. Në 23 qershor këta fituan zgjedhjet me vjedhje dhe blerje votash, por fituan. Shumë keq që i blenë votat, përdorën dhunën por fituan. Përndryshe nuk jepja dorëheqjen unë.
Pyetje: U blenë votat? Ku ishit ju zoti Berisha, ju ishit kryeministër?
Berisha: Ne bëmë atë që bëmë, mbrapa faktuam se si ishte marrë mandati në Lezhë, cilat ishin deformimet në Shkodër dhe i bëmë këto. Por këto nuk përmbysnin rezultatin, prandaj dhe unë mora vendimin tim. Mazhoranca që vjen më ketë votim, ka një energji enorme për të bërë ndryshim, për të zbatuar projekte. Në 5 muaj kjo mazhorancë ka krijuar një skemë rrokullisje të pandalshme për vendin. Kjo energji do përdorej për luftë kundër kriminalitetit. Fitorja e zgjedhjeve është trysni natyrore mbi krimin. E dyta përdore për një shpresë ekonomike, të paktën një trend pozitiv ekonomik.

Pyetje: Le të fillojmë me denoncimet dhe mënyrën si ju i bëni ato zoti Berisha. Rendi, ju thoni që rendi është në situatë shumë të nderë, flisni sidomos në rrjetet sociale për banda tritoli, mafie, fshehje kufomash etj? Situatë të rënduar rendi kishim edhe para marrjes së qeverisë nga të majtët apo jo? Nuk është se në kohën tuaj Shqipëria nuk ka patur as vrasje, as aksidente, e të tjera si këto. Po bëni politikë me rendin?

Berisha: Viti elektoral pati ringjallje të kriminalitetit për dy faktorë. Së pari patëm shtim të vrasjeve në familje serioz 20 25 % të numrit të vrasjeve. Pati një rritje të krimit të rrugës për një seri faktorësh. Ne po përgatiteshim të përballeshim me të si me një reformë në polici që këta e gjetën gati ashtu edhe me ndryshimin e ligjeve që ne i ndryshuam. Ka një ndryshim dramatik me ardhjen e Edi Ramës në pushtet për shkak të qenies së tij 11 vjet kryetar bashkie ishte më i lidhur me bandat e tmerrshme kriminale se çdo politikan shqiptar. Sepse të gjitha këto banda synonin Tiranën për të pastruar paratë. Sepse të gjithë ata kërkonin llokmat në Tiranë. Trojet në tiranë. Prapa tritoleve në Vlorë janë dhe pronat në Vlorë. Çështja e pastrimit të parave. Edi Rama e nisi karrierën e tij në bashkëpunim me bandën e rrugës së Kavajës. Nuk është aspak e fshehtë bisedë e regjistruar. Erdhën në pushtet dhe rikthyen bandat, ne i çmontuam një nga një këto banda. Zotëronin Durrësin, Vlorën, Tiranën. Në 18 muaj 1020 bosë të këtyre organizatave i vendosëm para drejtësisë. Tani Edi Rama u kthye në pushtet të gjithë prozhektorët ishin çfarë do bëj ky me këto lidhje. Ky vendosi lidhjet që në fushatën elektorale me to. Ne i shpartalluam bandat. Ne i ndaluam ata kudo ku ishin. Ky u rikthye në pushtet dhe shkoi në Vlorë. Pse pikërisht në Vlorë ju vu tritol kryetarit të PD-së? Ka pasur vrasje ka pasur probleme po këtu është bërë tritoli i përditshëm. Në muajin janar ka pasur tritol në Shqipëri më shumë se bombat rrugëve në Afganistan. Qeveria bën shfaqje me tritol. I penduari erdhi te kjo media. Dhe po të mos vinte këtu ai nuk ishte i gjallë sot. Sepse nga data 17janari deri ditën që erdhi te ju ai ka qenë në ndjekje dhe nuk është marrë në mbrojtje. Kemi një gaforre që ka kreun e meduzës dhe kreu i meduzës është Edi Rama. Është katastrofale gjendja. Këta e kanë bërë tritolin një faktor të jetës së përditshme sot. Dy janë konstatimet më dramatike për policinë sot. Është njësuar me ministrinë. Ministri bërtet unë e ndihmoj policinë. E vetmja gjë që bën ti është që po e shkatërron dita ditës. Komunikata nuk është e policisë, është e zëdhënësit të Edi Ramës, jo e policisë. Kur të duan të vijnë emër për emër për emër, aksident më aksident.

Pyetje: Po si fshihen kufomat? Sepse diku regjistrohen, në spitale, në morg..

Berisha: Që PD të shpallë të gjallë të vdekur, këtë nuk e bën kurrë. PD ka me emër mbiemër dhe është e gatshme t’i paraqesë në çdo studio. Po marrim trafikun e drogës, partnerët tanë thonë se është katërfishuar droga. Greqia thotë do hap postat kufitare se ka një vërshim trafiqesh. Po kur ministri mban vetë skaf, çfarë do tu thotë të tjerëve. Ka skaf ai të stacionuar në Vlorë në një familje. E ka regjistruar në emër të gruas së tij. Po se çi duhet zonjës së tij të nderuar skafi, asgjë si duhet. I duhet këtij skafi. Skafistët e Vlorës thonë kemi ministrin skafist dhe o burra. Është bërë një gjë e hapur fare trafiku.
Pyetje: Pse nuk denoncohen këto në organet kompetente?

Berisha: Jo ne i denoncojmë këto. Konkluzioni i dytë është se policia ka marrë në duar trafikun drogës. Nëse emëron në Durrës drejtor policie njeriun e filmuar në arën e tij të kanabisit, kjo do të thotë se ti je i vendosur të pasurohesh në mënyrën më të fuqishme me drogë dhe ta shndërrosh Shqipërinë në një protektorat krimi. Ne kemi bërë një transparencë të jashtëzakonshme në këtë drejtim.
Pyetje: Me të njëjtën logjike denoncuese ju i thërrisni njerëzit në protesta në datën 20 shkurt për t’i dhënë fund regjimit të neobllokmenëve, siç e quani ju…

Berisha: Unë nuk pajtohem kurrë me mashtrimin që u bëri shqiptarëve, dhe kam besim që të rinjtë nuk do ta pranojnë një gjë të tillë. Ti mashtrosh qytetarët dhe tu thuash që do tu jap shërbim shëndetësor falas, me një platformë të shkruar nga një sharlatan. Tu premtosh legalizim falas, tu premtosh se do të heq TVSH-në e energjisë dhe t’ua kthesh faturën afrofe. Një qytetar me të ardhura nën mesatare paguante dy herë më shumë se Berisha kryeministër me atë faturë. Kemi bërë luftën më të madhe gjersa është hequr fatura afrofe. Dhe akti i parë që u bën atyre që u premtoi heqjen e TVSH-së u vendosi faturën afrofe. Jepu qytetarëve matësat, por jo ti dënosh. Kjo nuk bëhet, plus që është dënim kolektiv. U deklaroi shqiptarëve që do të heqë TVSH e ushqimeve, jo që se hoqi, por rriti naftën në mënyrë që të rriten çmimet e ushqimeve. Çështja më kryesore është çështje dinjiteti njerëzor dhe unë do bëj gjithçka.

Pyetje: Gjykata Kushtetuese ju dha të drejtë për aktin normativ për nëpunësin civil, ndërkaq që ka marrë në shqyrtim padinë e PD-së për ndryshimet në buxhetin e 2013-ës. Sot kërkoni kthimin në punë të atyre që u hoqën pa të drejtë. Sa realiste ju duket kjo kërkesë?

Berisha: Ke shumë të drejtë. Kur ndërrohet pushteti ndërrohen edhe vende pune. Holanda ka ndërrimin më të vogël në botë. SHBA kanë rreth 8 mijë. Ne nuk kemi qenë kundër lëvizjeve të të gjitha posteve politike. Shumica kanë dhënë dorëheqjen. Çfarë është kjo administratë në krahasim me administratën para vitit 2005. Administrata që i dha Shqipërisë anëtarësimin në NATO. Ai progres raport është shumë interesant se shqyrton statusin e të gjitha fushave të demokracisë dhe ekonomisë së tregut dhe çështjeve sociale. Sot 1% në këtë administratë ishin të shkolluar në vendet e perëndimit ne kishim 22% të të shkolluarve jashtë. Marrin drejtorin e përgjithshëm të policisë. Kë kishim ne në 2005 ne atë që kishin emëruar këta. Cilin emëruam më vonë atë që ishte nëndrejtor. Me kë i shpartalluam bandat me policinë e PD-së? Jo por me policinë ekzistuese. Sollën Drejtor të Përgjithshëm një njeri që shkel tre kritere madhore. Një njeri që është shkarkuar i akuzua për ryshfet dhe ka qenë në disa zgjedhje komisioner i PS-së. Kanë futur në polici numëruesit e parë të dytë dhe të tretë, po shkatërrojnë institucionet.
Pyetje: Procedohet Imami, Burgaj, stafi i Kseres, konsullja e Milanos Nuasika Spahia që është emëruar me firmën tuaj ? Keni komente ? I druheni procedimit ju vetë ?
Berisha: E ftoj prokurorinë që të shkojë deri në fund çdo çështje me transparencën më të madhe. Ftoj mazhorancën të çojë në prokurori çdo dosje. Por të shkosh në Milano dhe ti thuash një zonje të nderuar, studente e shkëlqyer e shkolluar në perëndim se keni vjedhur se keni vendosur call center të urdhëruar nga ministri i jashtëm për të luftuar korrupsionin. Pagesa më e madhe më e keqe do ishte edhe sikur një euro po ti jepte nën dorë punonjësit të konsullatës . Janë ankuar për këtë Call Center, po nuk janë ankuar për radhët dhe sekserët. Vendosi standardet më të larta. E hoqi vet kur ra radha. Kur kërkesat për pasaporta u zvogëluan me disa në ditë. E turpshme beteja e tij armiqësore ose shpallja armik të diplomatëve shqiptarë. Imami është krejtësisht urrejtje, sepse Edi Rama është njeri i komplekseve dhe meqënëse Imami u bë protagonisti kryesor i inteligjencës artistike në Lëvizjen e Dhjetorit, dhe ky nuk ishte, sepse thotë vetë kam qenë në Korfuz me një ekspozitë. Atëherë ky njëlloj si kompleksi i Eipit i është krijuar kompleksi i Imamit.
Pyetje: I druheni procedimit ju vetë zoti Berisha?
Berisha: E ftoj të çojë çdo dosje, unë jam i hapur ndaj gjithçkaje. Imami është shprehje e një kompleksi të një njeriu bipolar dhe nuk i ndahet nga urrejtja. Hysni Burgaj, e ka mbyllur prokuroria çështjen. Pse shkoi gjeneral Mimi në ministri të Mbrojtjes, vetëm për konfidencën që ka, sepse vetëm Mimi mund ta bënte një dosje të tillë. U katandis tek reklamat që i ka dhënë të përputhje me ligjet e vendit.
Pyetje: Në një orë e 30 minuta, ju ende nuk e keni përmendur Metën asnjëherë...
Berisha: Është bashkë autor në të gjitha ato që ndodhin me Edi Ramën.
Pyetje Cili është komenti juaj për gjuhën që përdoret në parlament?
Berisha: Edi Rama përdor tre sharës profesionist. Rama ka energji të pashtershme negative, nëse do me sha ver disqe me sharje. Ky nuk ka asnjë lloj argumenti, vetëm trillime, imagjino një luftë dhe një betejë kundër koncesioneve, dhe pastaj del e thotë Shqipëria një euro, kur ka thënë çdo gjë për iniciativën Shqipëria një euro.
Pyetje A keni ndonjë pendesë në lidhje me zotin Meta dhe bashkëpunimin tuaj në koalicion ?
Berisha: Jo nuk kam absolutisht. Zoti meta është bashkëautor në të gjitha këto që ndodhin në mënyrë të padiskutueshme. Nëse Rama është gjenerator i urrejtjes, zoti Meta është noter i kësaj urrejtjeje. Sepse zoti Meta i ka mundësitë ta frenojë. Por të shkosh t’i vesh tritolin pallatit të vjehrrit të kundërshtarit politik, të ndërtuar me leje, të bazuar në një plan studimi pjesor, kjo nuk ndodh kurrkund përveçse në Shqipëri, ku binomi Rama-Meta realizuan një gjë të tillë. Nëse ka ndërtuar kush jashtë të gjitha kushteve është Rama me pallatin e zonjës së tij. Por meqënëse kishte një leje nuk mund të mendohej që të rrënohej pallati jashtë një procesi gjyqësor.

KOMENTE