Një tjetër shpërthim ndodhi në kryeqytet, rreth orës 22:00 të së hënës, në zonën pranë Liqenit artificial.
Një automjet me targa të huaja u shkatërrua plotësisht, si pasojë e vendosjes së një sasie eksplozivi, por fatmirësisht pa shkaktuar të lënduar.
Mjeti ishte parkuar në anë të rrugës, pranë digës por nga shpërthimi nuk ka pasur dëmtime të mjeteve të tjera, apo bizneseve përreth.
Ende nuk ka të dhëna, nëse shpërthimi ka ndodhur me eksploziv të komanduar apo jo, si dhe kush ka qenë epiqendra e sulmit.
Kjo, për shkak se policia nuk ka gjetur ende pronarin e mjetit. Makina e tipit Opel nuk është e regjistruar në polici, për faktin se ka ardhur nga jashtë. Ndërkohë, ekspertët e policisë po punojnë për të zbardhur shkaqet dhe autorët e ngjarjes/Top Channel/
