Kryeministri Edi Rama me trishtim mësoi për lajmin tronditës të aksidentit në termocentralin në Obiliq, në Kosovë.
Kryeministri Rama shpreh dhimbjen e thellë për këtë aksident tragjik, që u mori jetën disa qytetarëve dhe lëndimin e disa të tjerëve.
Menjëherë pas ngjarjes, Kryeministri Edi Rama i telefonoi Kryeministrit të Kosovës Hashim Thaçi për t'i shprehur ngushëllimet më të ndjera dhe solidaritetin e tij dhe të qeverisë shqiptare, për familjarët e qytetarëve që humbën jetën dhe uroi shërim të shpejtë të lënduarve.
