Ministrja e Arsimit dhe Sportit, Lindita Nikolla ishte dje e pranishme në festën e maturantëve në qyetin e Beratit nga ku deklaroi se statusi kandidat për Shqipërinë, është vullnet i qartë për mbështetje në rrugën e reformave dhe modeleve të reja si ai që u arrit falë mirëadministrimit të Maturës Shtetërore 2014.
Ministrja theksoi edhe një herë se Matura Shtetërore ofroi një standard të unifikuar në mirëadministrimi, siguri dhe cilësi, në të gjithë vendin.
Pas fjalës së saj përshëndetëse, në festën e organizuar nga DAR Berat, Ministrja zhvilloi një takim me maturantët e ekselencës të cilët i përgëzoi për arritjet dhe gjithashtu u siguroi mbështetjen e saj dhe të MAS për vazhdimin e tyre në rrugën e dijes. Gjithashtu, Ministrja ju përgjigj çdo pyetjeje apo shqetësimi që maturantët kishin.
