Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Basha: “Situata është katastrofike, kryeministri Rama të shpallë gjendjen e emergjencës
English

Basha: “Situata është katastrofike, kryeministri Rama të shpallë gjendjen e emergjencës

Basha: “Situata është katastrofike, ç’farë pret më që të shpallë gjendjen e emergjencës?! I përsëris dhe njëherë kërkesën time kryeministrit Rama, jo si kryetar i opozitës por si qytetar, si prind. Kjo është situata, nuk e ka fabrikuar as opozita dhe as media këtë. Shpall gjendjen e emergjencës, vihu në krye të shtabit dhe nis menjëherë planin e masave”.

Kryetari i Partisë Demokratike ishte sot pranë banorëve të zonave të përmbytura të Fierit dhe Vlorës ku pa nga afër gjëndjen e tyre kritike dhe mungesën e përpjekjeve dhe angazhimit të strukturave qeveritare.

“Gjendja është jashtëzakonisht e rëndë. Këtu në këtë fshat niveli i ujit vazhdon të rritet. Në një pjesë të fshatit ka kaluar mbi dy metra dhe ka përmbytur tërësisht banesat e fshatarëve, të banorëve, shpesh herë të kryefamiljarve apo dhe të moshuarve që janë të vetëm në shtëpi. Banorët thonë që askush nuk është interesuar deri më sot. Gjendja është shumë e rëndë. Prioriteti numër një, i çdokujt sot, duhet të jetë jeta e njerëzve, prona e tyre dhe normalizimi sa më shpejt i furnizimit me ujë me ushqime dhe me çdo masë që mos t’u ngordhë bagëtia që është dhe mjeti kryesor dhei vetmi i jetës së tyre. Ndaj, së pari, i bëj thirrje autoriteteve të zhvendosen me shpejtësi aty ku ka ndodhur katastrofa. Nuk bën fajde të bësh thirrje vetëm nga ekranet. Resurset e shtetit duhet të jenë në dispozicion të qytetarve të përmbytur, kudo ku kjo kandodhur. Këtu nuk ka ardhur akoma askush”, tha Bashan teksa vizitoi fshatin Darzezë.

Banorët u ankuan për mungesë strehimi, për mungesë ushqimi e uji të pishëm dhe mungesë ushqimi për gjënë e gjallë.

“Po mbytet shtëpia, a ka shtet a s’ka shtet? Të vërë dorë shteti, po mbytemi. Po mbytet ky fshat, vini dorë. Nuk po duroj dot më”, u shpreh një banore e fshatit.

“Mungesa e ujit të pijshëm, mbytja e bagëtive, përparimi i nivelit të ujit dhe futja e tij edhe më thellë nëpër shtëpitë e banorve është rrezik real dhe në përparim. Nuk e kuptojmë se përse qeveria nuk ka shpallur akoma gjendjen e jashtëzakonshme. Çfarë pritet që të shpallet gjendja e jashtëzakonshme? Kjo është një gjendje e jashtëzakonshme, duhet të shallet si e tillë. Kryeministri duhet të vihet në krye të shtabit dhe të marrë masat e plota. Të evakuohen banorët kudo ku rreziku vazhdon, siç bëhet fjalë për pesë familje më larg nga këtu ku jemi ne, ku akoma askush nuk ka shkuar. Të merren masat për t’iu ardhur në ndihmë me ujë të pijshëm, me mbështetjen elementare, me ushqime aty ku ka nevojë. Të merren masa për të evakuuar bagëtitë dhe gjënë e gjallë dhe për ti mbështetur me bazë ushqimore minimale. Pra, të kalohet në planin e veprimit siç është plani i veprimit në rastet e përmbytjeve. Shqipëria nuk përmbytet për herë të parë, ka një plan veprimi. Por e para dhe kryesorja është të shpallet gjendja e emergjencës. Është absurde, paradoksale, e papranueshme që akoma nuk është shpallur gjendja e emergjencës. Ndaj thirrja ime urgjente është; të shpallet sot, menjëherë, brenda orës, gjendja e emergjencës. Të mblidhet shtabi qendror i emergjencës dhe të dislokohet numri i mjaftueshëm i resurseve për t’u ardhur në ndihmë banorëve”, tha Basha.

Kryetari I Partisë Demokratike ishte dhe pranë banorëve të zonave më të rënduara në Vlorë, si në Fshatin Fitore e Bishan të Novoselës.

“Kerkojmë nga shteti të hapen kanalet. Gjëndja është e tmerrshme, skemi asnjë përkrahje”, u shpreh një banor i zonës.

“Situata është dramatike, emergjenca vazhdon në çdo kuptim. Pjesa më e madhe e shtëpive vazhdojnë të jenë nën ujë, edhe kur është tërhequr uji, janë tërësisht të pabanueshme, fëmijë të vegjël e të mitur janë shpërndarë dhe mbahen nëpër zona të tjera larg larg familjeve, të sëmurët po kështu, pra familjet janë në një gjëndje të shpartalluar. Kjo është gjendje emergjence, ndaj sa të bëjmë kot debate boshe, i bëj thirrje kryeministrit Rama: Mos u merr me opozitën por shpall gjendjen e emergjencës. Shpall gjendjen e emergjencës pasi këta njerës flasin vetë, nuk kemi ardhur ne këtu të bëjmë politikë me ta. Ne duam që ata të mbështeten me ujë, me veshmbathje, me çizme, me ushqime”, u shpreh Basha.

“Po këtu nuk vjen njeri, ose vjen 5 min para se të vijë kryetari i opozitës. Kjo është kriminale, dy minuta erdhi kryeministri i Shqipërisë”, ankohet një banor.

“Nuk është përmbytur vetëm i majti apo i djathti. Po të gjithë qytetarët, se vjen dhe na përmend votat kryeministri, rri dy minuta atje lart e na tregonte me dorë nga qielli, e dimë ne që fajin e ka moti, po tani cdo bëjmë të flemë në rrugë”, shprehet një banor.

“Kjo do të thotë të refuzosh të shohësh dhe të dëgjosh realitetin. Realitetin e dhimbshëm dhe tronditës, dramatik të këtyre banorëve. Duhet një përpjekje e organizuar e shtetit, ka njerëz të përkushtuar dhe me përvojë për të përballuar emergjencat që e dinë se emergjenca fillon me shpalljen e saj nga qeveria, me caktimin e burimeve njerzore, me caktimin e personelit për cdo zonë të përmbytur, me komunikimin e përhershëm, me furnizimin e përhershëm, me avakuimin, me marrjen në mbrojtje të të sëmurëve , pleqve e fëmijëve etj etj. Gjendja është katastrofike, ç’farë pret më që të shpallë gjendjen e mergjencës?! I përsëris dhe njëherë kërkesën time kryeministrit Rama, jo si kryetar i opozitës por si qytetar, si prind. Kjo është situata, nuk e ka fabrikuar as opozita dhe as media këtë. Shpall gjendjen e emergjencës, vihu në krye të shtabit dhe nis menjëherë planin e masave”, deklaroi Basha.

KOMENTE