Elbasan, 6 prill NOA - Largimi i trajnerit Faruk Sejdini, ka hapur një hendek tjetër të madh, në radhët e elbasanasve, pak javë para se të mbyllet Kategoria Superiore.
Sikur të mos mjaftonin rezultatet e dobëta, që nuk i janë përgjigjur merkatos së fortë që zhvilloi kjo skuadër në muajin janar, apo dëmtimin e papritur të mbrojtësit Nevil Dede, tani ekipi duhet të gjejë edhe trajnerin e ardhshëm.
Faruk Sejdini, pas humbjes 4-1 që pësoi në shtëpi, nga Vllaznia, u largua për t'i hapur rrugë rezultateve negative.
Elbasani është stërvitur gjatë ditës së djeshme nga ndihmësit e Sejdinit, Filja dhe Gogunja.
Sakaq mësohet se deri në fund të kampionatit gjasat janë që ekipin ta drejtojë një trajner nga qyteti i Elbasanit.
Synimi i Elbasanit, mbetet që t'i shpëtojë rënies në një kategori më poshtë.
Elbasani gjatë këtij kampionati ka ndërruar dy trajnerë. Në fillim, drejtimin e Elbasanit e mori Mirel Josa, që më pas i la vendin Faruk Sejdinit.
a.k/NOA
