Shkup, 6 prill, NOA/INA- Në Shkup u zhvillua një protestë anti-NATO kundër anëtarësimit të Maqedonisë në këtë Aleancë. Protesta me moton "60 vjet NATO janë mjaft", është organizuar nga koalicioni qytetar maqedonas "NATO-mjaft më".
Drejtuesit e shoqatave joqeveritare kanë shpërndarë pamflete ku theksohet se Maqedonisë nuk i është i nevojshëm anëtarësimi në Aleancë.
Protesta u zhvillua në sheshin e qytetit, duke tejkaluar edhe pranë Shtabit të Përgjithshëm të ARM-së.
Këshilli euro-atlantik i Maqedonisë nuk ka dënuar protestat, duke nënvizuar se kjo është e drejtë qytetare për të protestuar.
Krerët shtetërorë në Shkup kanë theksuar se anëtarësimi në NATO do të ngelet objektiv parësor për Maqedoninë.
NOA-INA
