Shkodër, 7 Prill NOA - Një burrë në moshë të re ka gjetur vdekjen mbrëmjen e sotme (duke gdhirë e Marta), në qendër të qytetit të Shkodrës.
Korrespondenti i agjencisë së lajmeve NOA informon se viktima është Nadir Çuku, 39-vjeçar, me banim në lagjen "Ahmet Haxhia: të qytetit Shkodër.Nga dëshmitë në vendngjarje, gjithçka ndodhi në orën 23.00 në lagjen "Perlat Rexhepi" të qytetit verior, pikërisht në vendin e quajtur "Truma e Dugajeve të Reja".
Në rrethana ende të paqarta, një person i është afruar 39-vjeçarit Nadir Çuku, dhe e ka qëlluar atë me armë zjarri duke e lënë të vdekur në vend.
Në pak minuta, një numër i madh forcash policore kanë mbërritur në vendngjarje. Policia tha se po punon për identifikimin e autorëve të krimit dhe zbardhjen e rrethanave e motiveve të ngjarjes.
r.d/NOA
