Tiranë, 10 prill, NOA - Qarkullonte në rrugë dhe pranë lokaleve të kryeqytetit me lëndë narkotike që synonte ta shiste, arrestohet i dyshuari.
Specialistët e Seksionit të Luftës Kundër Drogës, mundësuan kapjen në flagrancë të 20-vjeçarit Besfort Toçi.
Sipas burimeve policore, kapja e tij u bë pasi gjatë kontrollit të ushtruar në afërsi të një lokali në qendër të kryeqytetit, të riut i është gjetur një qese me bimë të dyshuar narkotike Kanabis Sativa me peshë 4.2 gramë.
Për zbardhjen e mëtejshme të ngjarjes, policia tha se materialet hetimore i kaluan Prokurorisë së Rrethit Tiranë.
s.v/NOA
