Amsterdam, 1 maj, NOA - 5 të vdekur dhe 12 të plagosur ka qenë bilanci i një sulmi të parapërgatitur kundër familjes mbretërore në Hollandë.
Mbretëresha hollandeze Beatrix dhe familja e saj kanë shpëtuar me shumë fat nga një sulm që ishte planifikuar të kryhej kundër tyre gjatë paradës festive për 'Ditën e mbretëreshave' në qytetin Apeldoorn.
Shoferi i një makine të vogël, e drejtoi automjetin e tij drejt autobuzit që transportonte familjen mbretërore dhe eci me shpejtësi në drejtim të masave me njerëz. Të paktën 5 njerëz humbën jetën dhe 12 të tjerë u plagosën.
Burri në gjendje amoku, i cili u plagos gjithashtu, pohoi më vonë për policinë hollandeze se kishte pasur si qëllim të vriste familjen mbretërore. Prokuroria e Përgjithshme ka deklaruar se ky sulm nuk përmbante qëllime terroriste.
Mbretëresha Beatrix u ka shprehur ndërkohë familjeve të viktimave keqardhjen e saj.
n.e/NOA
Â
