Amsterdam, 1 maj, NOA - Trafiku i drogës duket se po sajon përditë vende dhe marifete nga më të çuditshmet dhe më të imagjinueshmet për ta transportuar atë.
Rasti i fundit ka qenë ai i një holandezi të moshuar 76-vjeçar, i cili ka tentuar të kontrabandojë gjashtë kilogramë kokainë të fshehur në portokaj.
Kanë qenë policët italianë ata të cilët e kanë zbuluar mashtrimin në aeroport, ndërsa i moshuari po mundonte t'i bindte se duhet të merrte sasi të mëdha të vitaminës C, prandaj i mbante kaq shumë portokaj me vete.
Policia në aeroportin e Romës Leonardo Da Vinçi e ka arrestuar pasagjerin 76-vjeçar i cili vinte nga fluturimi prej Buenos Aires, dhe i cili duhej të vazhdonte rrugën për Holandë pas pushimeve të bëra në Argjentinë. Plaku i kishte zbrazur portokajtë nga lëngu dhe pjesa mishtore, dhe më pas i kishte mbushur me kokainë. Droga në treg do të kushtonte rreth 5 milionë euro.
n.e/NOA
