Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Shqiptarët hyjnë në 10 finalistët e Botërorit të Aeroplanëve prej Letre
English

Shqiptarët hyjnë në 10 finalistët e Botërorit të Aeroplanëve prej Letre

Salzburg, 5 maj NOA - Në Salsburg të Austrisë, është zhvilluar këto ditë, Kampionati Botëror i Aeroplanëve prej Letre me Finalen Botërore të Red Bull Paper Wings 2009.

Plot 253 konkurrentë nga 83 vende të ndryshme të botës kapërcyen kufijtë e fizikës vetëm me një format letre A4 në kampionatin Red Bull Paper Wings. E gjitha kjo, pas suksesit të edicionit të kaluar më 2006.

Dy ditë konkurrim intensiv pati në disiplinat "Distanca më e gjatë e përshkuar", "Koha

më e gjatë në ajër" dhe "Fluturimi më Aerobatik" ku morën pjesë dhe pasionantë shqiptarë.

Në fund, ishin fituesit nga Brazili, Japonia dhe Kroacia që u ngjitën në podium.

***

Shqiptarët

Në Shqipëri dhe Kosovë, këtë vit u zhvillua për herë të parë, ky Kampionat i Aeroplanëve prej Letre "Red Bull Paper Wings". Ai u zhvillua me disa raunde kualifikuese gjatë muajit mars.

Finalistët e secilës disiplinë përfaqësuan vendin tonë në Finalen Botërore në Hangar-7, Salzburg, Austri.

Shqipëria u kualifikua në dhjetëshen finaliste për disiplinën "Koha më e gjatë në ajër" me konkurrentin Zirkon Disha, student i Fakultetit Ekonomik në Universitetin e Tiranës. "Ndjehem shumë mirë, është shumë emocionuese të marrësh pjesë në një garë të tillë. Duket si rikthim në fëmijëri" tha shumë i entuziazmuar Zirkoni.

Salsburg

Rruga për në Finalen Botërore në Salzburg ishte e gjatë dhe e vështirë. Të 253 pilotët që prezantuan vendet e tyre në Austri, u është dashur të ndeshen me 37,017 konkurrentë në 613 raunde kualifikuese të zhvilluara gjatë muajve shkurt-mars 2009 në të gjithë globin.

Në disiplinën "Kohëzgjatja më e madhe në ajër" fitues doli Leonard Ang nga Brazili, aeroplani i të cili preku tokën pas 11.66 sekondave.

Në vend të dytë dhe të tretë ishin respektivisht Majkëll Kumer nga Zvicra dhe Gil Totan nga Izraeli.

Japonezi Takeshige Kishlura Kisshii mori vendin e parë në disiplinën "Fluturimi më akrobatik", duke lënë pas polakun Tomasz Chodyra dhe gjermanin Ualdemar Hofman. "Për mua ishte hera e parë që fluturoja me një aeroplan të vërtetë! Do të kthehem kampion në vendin tim! Askush nuk do të më besojë kur të shkoj në Japoni", - tha shumë i gëzuar Kisshii, pas fitores.

Jovica Kozlica nga Kroacia ishte i vetmi nga fituesit e vitit 2006 që e ruajti titullin kampion në disiplinën "Distanca më e gjatë e përshkuar" me një hedhje prej 54.43 metrash.

"E kam mbajtur me akull krahun mbrëmë. Mbas tre javësh trajnimi intensiv krahu im u bë copë", - tha kroati, pasi u kurorëzua për herë të dytë si Kampion Bote i "Red Bull Paper Wings".

a.k/NOA

KOMENTE