Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Presidenti Topi takohet me ministrin e Mbrojtjes së Hungarisë, Szekeres
English

Presidenti Topi takohet me ministrin e Mbrojtjes së Hungarisë, Szekeres

Tiranë 6 maj NOA - Presidenti i Republikës, Bamir Topi priti sot në mjediset e Pallatit të Brigadave, Ministrin e Mbrojtjes së Hungarisë, Imre Szekeres dhe delegacionin që e shoqëronte në kuadër të vizitës së tij në vendin tonë.

"Në këtë momente, si vend anëtar i Aleancës më të madhe të paqes dhe të sigurisë në botë, ne jemi të gatshëm dhe të ndërgjegjshëm për nevojën e rritjes së standardeve të bashkëpunimit me vendet partnere të NATO-s, në përmbushje të misioneve të rëndësishme të saj" u shpreh Topi.

Kryetari i Shtetit vuri në dukje vijimësinë e reformave për transformimin dhe modernizimin e Forcave tona të Armatosura, po ashtu për përgatitjen e kuadrove të kualifikuar dhe profesionistë.

Presidenti Topi bëri një panoramë të zhvillimeve të brendshme, duke u ndalur në mënyrë të veçantë në fazën parapërgatitore të procesit elektoral për zgjedhjet e përgjithshme parlamentare. "Ne e shikojmë Shqipërinë si faktor qëndrueshmërie në rajon dhe e vlerësojmë shumë politikën e saj të kujdesshme e të moderuar në Ballkan" u shpreh ministri i Mbrojtjes së Hungarisë, Imre Szekeres.

Presidenti Topi dhe Szekeres ndanë të njëjtën pikëpamje për të ardhmen e Ballkanit Perëndimor duke shprehur bindjen se pas vendosjes së qëndrueshmërisë politike, zgjerimit të hapësirës së sigurisë nëpërmjet integrimit në NATO dhe më pas në Bashkimin Evropian, rritjes së bashkëpunimit ekonomiko-tregtar, e ardhmja e të gjitha vendeve të gjitha vendeve të rajonit do të jetë orientimi dhe anëtarësimi në strukturat euro-atlantike dhe në gjirin e familjes së madhe evropiane. k.k/NOA

KOMENTE