Korçë, 7 maj NOA - Një sherr banal për pak i ka kushtuar jetën një 32-vjeçari cili u qëllua me thikë nga një person.
Ngjarja ndodhi dje në fshatin Çaushli Komuna Pirg të Korçës, kur pas një konflikti për motive të dobëta është dëmtuar me thike 32-vjeçari Petraq Burnazi, i cili aktualisht ndodhet i shtruar në Spitalin Rajonal të Korçës, jashtë rrezikut për jetën.
Burime nga policia thanë për agjencinë NOA se autor i kësaj ngjarje është 29-vjeçari Istref Pilinci.
Sipas të njëjta burimeve i riu pasi ka goditur me thikë kundërshtarin e tij është larguar me shpejtësi duke u shpëtuar prangave të policisë.
Policia po punon për kapjen e autorit të dyshuar, ndërsa në ngarkim të 29-vjeçarit ka filluar ndjekja penale "Plagosje e lehte me dashje".
Nga hetimet e para rezulton se ngjarja ka ndodhur pas një sherri të çastit mes autorit dhe të dëmtuarit.
k.k/NOA
