Uashington, 9 maj NOA/DW - Presidenti i SHBA-së Barack Obama dëshiron të përpiqet sërish për marrëdhënie të reja me myslimanët.
Për këtë ai ka vendosur që të mbajë një fjalim themelor gjatë një vizite në Egjipt më 4 qershor.
Atje Obama do të qëndrojë përpara udhëtimit të tij për në Gjermani dhe Francë, bëri të ditur sot, Shtëpia e Bardhë.
Pasi iu tërhoq vëmendja ndaj cënimit të të drejtave të njeriut në Egjipt, zëdhënësi i Obamës deklaroi se vendi mëshiron "në shumë aspekte zemrën e botës arabe". Përmbajtja e fjalimit të Obamës është më e rëndësishme se vendi ku ajo mbahet, tha zëdhënësi i presidentit të SHBA-së.
Ndalesa të tjera në Lindjen e Mesme nuk janë planifikuar, të paktën kështu deklaroi Shtëpia e Bardhë.
