Tiranë, 11 maj, NOA - Operatori i Sistemit të Shpërndarjes ka bërë me dijeni se disa nga zonat kryesore të kryeqytetit do të përfshihen sot nga ndërprerjet e energjisë elektrike.
Ky institucion ka komunikuar se më të prekura nga një dukuri e tillë do të jenë zonat në periferi të Tiranës, të cilat do të kenë mungesë të energjisë elektrike, në orarin 09.00 deri në 13.00.
Sipas të dhënave, ndërprerje parashikohen gjatë këtij harku kohor në zonat e Babrrusë dhe Bathores, "Jordan Misja", përreth ish-Uzinës Dinamo si edhe atë të Paskuqanit.
Arsye për këtë janë disa punime që po kryhen në rrjetin elektrik.
n.e/NOA
Â
