Fushë Krujë, 12 maj NOA - Një burrë në moshë të thyer ka gjetur vdekjen sot herët në mëngjes si pasojë e një aksidenti rrugor, in formon korrespondenti i agjencisë së lajmeve NOA.
Ngjarja ndodhi në orën 05.40 në aksin që lidh Fushë Krujën me qytetin e Laçit, tek vendi i quajtur "Kryqëzimi i Patokut".
Policia tha se një automjet tip veturë që drejtohej nga Ndrecë Menga, banor i zonës së Kurbinit, ishte duke përshkuar këtë aks rrugor kur ka aksidentuar me vdekje, 69-vjeçarin Prengë Ziu.
Në vendin e ngjarjes kanë shkuar forca policore që konfirmuan se i ndjeri kishte ndërruar jetë dhe bënë ndalimin e drejtuesit të mjetit, për të sqaruar rrethanat dhe shkaqet e aksidentit.
e.l/NOA
