Tiranë, 15 maj NOA - Një 32-vjeçar është arrestuar dje nga policia pasi iu gjet një sasi lënde narkotike në banesë.
Antidroga e policisë së kryeqytetit çoi në qeli 32-vjeçarin Andi Sotira, pasi gjatë një kontrolli të ushtruar në banesën e tij rezultoi se në ballkonin e banesës ishin fshehur në dy vazo dy bimë të mbjella me aromë e karakteristika si ato të bimëve narkotike cannabis sattiva.
Burime nga policia thanë për agjencinë e lajmeve NOA se gjatë kontrollit në banesë, 32-vjeçarit iu gjet edhe një qesë farmacie e mbushur me bimë narkotike me peshë 0.8 gram.
Policia në cilësinë e provës materiale sekuestroi sasinë prej 0.8 gramë, lëndë e dyshuar cannabis sattiva, dy copë bimë të mbjella të dyshuara narkotike si dhe një aparat telefoni celular.
Ndaj Andi Sotirës u mor masa e arrestit për veprat penale të "Shitjes së lëndëve narkotike" dhe të "Kultivimit të bimëve narkotike".
k.k/NOA
