Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Vjen në Tiranë Koka e Zeusit, grabitur nga Muzeu Arkeologjik i Butrintit në 1991
English

Vjen në Tiranë Koka e Zeusit, grabitur nga Muzeu Arkeologjik i Butrintit në 1991

Tiranë, 18 maj/NOA - Pas 18 vjetësh Shqipërisë i kthehet një nga objektet më të rralla arkeologjike, Koka e Zeusit-Asklepius, grabitur nga Muzeu Arkeologjik i Butrintit në vitin 1991.

Ky objekt është rikthyer në Shqipëri pas një kohe të gjatë përpjekjesh të autoriteteve të MTKRS, Ministrisë së Punëve të Jashtme dhe institucioneve të tjera shqiptare e të huaja.

Në fjalën e tij Ministri i TKRS-së, Ardian Turku tha se Koka e Zeusit që sot i përket shtetit shqiptar si poseduesi ligjor i tij, është një nga shembujt më të spikatur të këtij trafiku të paligjshëm.

Kurse garantoi se që sot e tutje do të jetë edhe një nga shembujt e spikatur të angazhimit serioz dhe me përkushtimit të një shteti palë të Konventës së UNESCO-s siç është Italia dhe Shqipëria.

Ministri Turku falënderoi gjithashtu përfaqësuesit e palës italiane: Gjykatën e Romës, për korrektesën dhe shpejtësinë e veprimeve, Karabinierinë Italiane, për punën dhe për përkushtimin e tyre profesional dhe serioz, përfaqësuesit e Ministrisë së Pasurive Kulturore, dhe veçanërisht z. Rossi, tashmë ish-pronar të objektit për vullnetin e mirë, mirëkuptimin dhe gatishmërinë që ka treguar në gjithë këtë proces për t'ia kthyer palës shqiptare një objekt të cilin ai e kishte blerë sipas të gjitha rregullave në fuqi.

"Gjithashtu gjej rastin të falënderoj edhe qytetarët shqiptarë, futbollistët Lorik Cana dhe Igli Tare, për ngurtësimin e shumës financiare për kthimin e objektit deri në pagimin e tij nga shteti shqiptar", - theksoi Turku.

Rikthimi i Kokës së Zeusit, një vepër e grabitur, shënon një rast pozitiv për t'u vlerësuar, të angazhimit të shoqërisë civile në mbrojtjen e pasurisë kombëtare.

a.k/NOA

KOMENTE