Gjirokastër, 20 maj, NOA - Forcat e policisë së Gjirokastrës kanë kapur në flagrancë, në një kazino, 24-vjeçarin Asqeri Basha, lindur dhe banues në Lazarat, pasi ishte i shpallur në kërkim për vjedhjen e një automjeti pak ditë më parë.
Sipas të dhënave të policisë, vjedhja ka ndodhur në lagjen Dunavat të qytetit të Gjirokastrës ku Basha ka vjedhur automjetin tip Benz me targa Gj 16 57 A, në pronësi të S.T.
Policia nga ana e saj, ka mundur që të gjejë automjetin e vjedhur në fshatin Lazarat dhe gjatë hetimit të mëtejshëm është dokumetuar me prova ligjore se Basha është autori i kësaj ngjarjeje.
Materialet i kaluan prokurorisë së Gjirokastrës për veprime të mëtejshme për veprën penale të "Vjedhjes", parashikuar nga neni 134 i Kodit Penal.
n.e/NOA
Â
