Tiranë, 25 maj NOA - Arrestohen 13 persona të cilët ushtronin aktivitetin e paligjshëm të këmbimit të valutës dhe të parave në rrugë.
Policia e Tiranës ka organizuar sot një operacion të koduar "Black market" i cili u finalizua me arrestimin e 13 personave ndaj të cilëve janë siguruar prova të mjaftueshme që provojnë se ata ushtrojnë aktivitetin e paligjshëm të këmbimit të valutës dhe të parave në rrugë, pa licencën e Bankës së Shqipërisë.
Burime zyrtare nga policia e kryeqytetit thanë se mbështetur në udhërat e ekzekutimit të Gjykatës së Rrethit Gjyqësor Tiranë, Seksioni Kundër Pastrimit të Parave pranë Drejtorisë së Policisë së Qarkut Tiranë, krye ekzekutimin e urdhrave për masën e sigurisë "Arrest në burg" për 13 persona ndërsa tre të tjerë kanë marrë masën e sigurisë me "arrest shtëpie".
Ata akuzohen se kanë ushtruar aktivitet të paligjshëm, duke konsumuar veprën penale të "Ushtrimit të palicensuar të veprimtarisë financiare".
Në cilësinë e provës materiale u sekuestruan një sasi e konsiderueshme parash në euro dhe lekë shqiptar.
"Drejtoria e Policisë së Qarkut Tiranë, është e vendosur për të vazhduar operacionin "Black market' deri në eleminimin plotësisht të kësaj veprimtarie të kundraligjshme, vendosjen përpara përgjegjësisë ligjore, të personave që ushtrojnë veprimtari valutore të palicencuar" thuhej në deklaratën e policisë së kryeqytetit lëshuar pak orë më parë.
k.k/NOA
Të arrestuarit:
Rebani Korra, 48-vjeç
Neim Dule, 55-vjeç
Ylli Omeri, 52-vjeç
Tomorr Bejkollari, 52-vjeç
Jovan Gjika, 58-vjeç
Shlezen Geci, 38-vjeç
Vlamdir Fino, 48-vjeç
Dashamir Torba, 46-vjeç
Fatmir Sinanaj, 43-vjeç
Kadri Haxhillari, 52-vjeç
Gjergji Roshi, 53-vjeç
Rrahim Mahilaj, 46-vjeç
Shkëlzen Spahiu, 48-vjeç
Basri Cenaj, 51-vjeç
Xhavit Mema, 63-vjeç
Destan Mulgeci, 71-vjeç
