Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Konflikti për pronën, vritet xhaxhai i prokurorit të Fierit
English

Konflikti për pronën, vritet xhaxhai i prokurorit të Fierit

Ballsh, 27 maj NOA - Një konflikt pronësie dyshohet të jetë shkaku i një vrasjeje të ndodhur sot në fshatin Pocem të Komunës Klos të rrethit të Mallakastrës.

Niko Malaj 70-vjeç, xhaxhai i prokurorit të Fierit Petrit Malaj, është vrarë sot rreth orës 14:30.

Burime nga policia thanë për agjencinë e lajmeve NOA se i dyshuari kryesor si autor i kësaj ngjarjeje është Përparim Merkaj 60-vjeç.

Sipas policisë ai kishte pasur konflikt për një sipërfaqe toke me bashkëfshatarin e tij Niko Malaj.

Sot dyshohet se Merkaj ka rrëmbyer një pistoletën tip-TT të cilën e mbante pa leje dhe është nisur për te toka që ai pretendonte se ishte e tij pasi kishte parë Malaj kishte shkuar atje.

Sapo janë përballur ata fillimisht kanë filluar të debatojnë me njëri-tjetrin dhe më pas 60-vjeçari dyshohet se ka nxjerrë pistoletën duke e qëlluar tre herë në drejtim të bashkëfshatarit të tij.

Fill pas krimit i dyshuari është kthyer në banesën e tij në fshatin Pocem.

Forca të shumta policie mbërritën menjëherë në vendin e ngjarjes për të zbuluar autorin dhe shkaqet e kësaj vrasjeje.

Pas hetimeve të para, policia zbuloi identitetin e të dyshuarit duke bërë të mundur dhe ndalimin e tij.

Mësohet se në momentin e ndalimit, i dyshuari nuk ka bërë rezistencë, ndërsa ka dorëzuar edhe armën e zjarrit pistoletë TT që ai mbante pa leje.

Sipas policisë në deklaratën e tij, i dyshuari ka pranuar krimin duke shtuar se nuk mund të duronte faktin që Malaj po punonte në tokën e tij, megjithëse sipas policisë kjo e drejtë autorit i ishte hequr.

k.k/NOA

KOMENTE